ارمنیستان سلاح‌لی قوه‌لرینین بؤلمه‌لری جبهه‌نین موختلیف ایستیقامتلرینده ایریچاپلی پولمیوتلاردان دا ایستیفاده ائتمکله سوتکا عرضینده آتشکس رژیمینی ۳۰ دفعه پوزوب.

بو باره‌ده آخار. آذ-ا آذربایجان مدافعه ناظیرلیینین مطبوعات خیدمتیندن معلومات وئریلیب.

ارمنیستان رسپوبلیکاسی ایجوان رایونونون پاراواکار کندین‌ده یئرلشن مؤقعلردن آغستافا رایونونون کؤهنه قیشلاق، کراسنوسئلسک رایونو اراضی‌سین‌ده‌کی آدسیز یوکسکلیکلرده یئرلشن مؤقعلردن گدبی رایونو اراضی‌سین‌ده‌کی آدسیز یوکسکلیکلرده یئرلشن آذربایجان اوردوسونون مؤقعلری آتشه توتولوب.

ترتر رایونونون ایشغال آلتیندا اولان گؤیارخ، چیلبورت، آغدام رایونونون نمیرلی، ساریجالی، خوجاوند رایونونون کوروپاتکینو، فضولی رایونونون قوبو دیلاغاردا، هورادیز، جبراییل رایونونون نوزگار کندلری یاخینلیغین‌دا، همچینین گؤی گؤل، گوران بوی، ترتر، آغدام و جبراییل رایونلاری اراضی‌سینده‌کی آدسیز یوکسک‌لیکلرده یئرلشن مؤقعلردن ده آذربایجان اوردوسونون مؤقعلری آتشه توتولوب.