یوخاری

بو جیزگی فیلملری اوشاقلارینیزی اؤلومه آپارا بیلر - شوک

آنا صحیفه توپلوم
12 Punto 14 Punto 16 Punto 18 Punto

اوشاقلارین ان چوخ سئودیکلری و ماراقلا ایزلدیکلری پروقراملار شوبهه‌سیز کی، جیزگی فیلملریدیر. بعضا اونلار تی وی-ده و یوتوب شبکه‌سین‌ده ساعتلارلا جیزگی فیلمی ایزلییرلر. متخصصلر بیلدیریرلر کی، ایلک باخیشدان عادی گؤرونه‌ن بو وردیش، اصلینده، چوخ جدی پروبلملره یول آچا بیلر.

مسئله ایله باغلی Kult.az-ا دانیشان نئورولوق لعمان نور موهوم نوانسلاری آچیقلایاراق بیلدیریب کی، اوشاقلارین پسیخیکاسی ۲ یاشین‌دا فورمالاشیر و بو یاشا قدر اونلار گؤرونتو ایله سسین عینی زامان‌دا دییشمه‌سینی آدکوات قبول ائده بیلمیرلر:

«جیزگی فیلمینی ایزله‌مک کؤرپه‌نین بوتون دقتینی آلیر و بو زامان اوشاق اوزون مدت عینی وضعیتده حرکتسیز اوتورور. ۲ یاشادک اوشاقلارین جیزگی فیلمینه باخماسی، عمومیتله، مصلحت دئییل. ۲ یاشدان سونرا ایسه جیزگی فیلملری والیدینلر طرفین‌دن سئچیلمه‌لیدیر: کادرلارین دییشمه‌سی لنگ، سوژئت ساده و آنلاشیلان، پروگرام قیسامدت‌لی اولمالیدیر. آنیماسییانین پارلاقلیغی و سسینین یوکسکلیگی اوشاغین آنالیز قابیلیتلرینه منفی تأثیر گؤستریر. آخشاملار ایسه جیزگی فیل‌می ایزله‌مک خصوصاً قاداغاندیر، چونکی کؤرپه‌ده یوخو پوزغونلوغو یارادا بیلر».

لعمان نورون سؤزلرینه گؤره، اوشاقلارین باخدیغی جیزگی فیلمینین سوژتی آقرسییادان اوزاق، خوش نیت‌لی اولمالیدیر:

«چونکی دئمک اولار کی، بوتون اوشاقلار سئودیکلری پئرسوناژلاری تکرارلاماغا چالیشیر. سووت جیزگی فیلملرینده حتی منفی قهرمانلار بئله سون‌دا تربییه اولونور و مثبت اوبرازا چئوریلیردیلر. چوخ واخت ایسه معلوم اولوردو کی، اونلارین منفیلیگی هئچ کسین اونونلا دوست اولماماسیندان، اونونلا مرحمتلی داورانماماسیندان، دقتدن کناردا قالدیغیندان قایناقلانیب.

غرب جیزگی فیلملرینده ایسه دونیانین داها رئال و قددار تصویری وئریلیر، دایم حاکمیت اوغروندا موباریزه گئدیر، اطرافدا شر قوه‌لر چوخدور و یالنیز کیچیک بیر قروپ انتوزیاستلار دونیانی خلاص ائده بیلر (هؤرومچک آدام و سوپرمن کیمی). بو ایسه اوشاقلاردا پسسیمیزم، آقرسییا و س. فورمالاشدیریر».

نئورولوق قید ائدیب کی، والیدین اؤولادی اوچون جیزگی فیلمی سئچرکن بو نوانسلارین اولماماسینا دقت یئتیرمه‌لیدیر:

۱. اساس قهرمانلار اؤلدورور، خسارت یئتیریر، اوغورلوق ائدیر، ضرر وئریر (حتی یوموریستیک فورمادا تقدیم اولونسا بئله).

۲. قهرمانلارین بو داورانیشی جزاسیز قالیر و یا جمعیت طرفیندن آلقیشلانیر، یاخود مشهورلوق، زنگینلیک گتیریر.

۳. پرسوناژلار تهلوکه‌لی داورانیش سرگیلییر. فیکیر وئرمیسینیزسه، اکثر فیلملرده هئچ بیر آغری حسینین مؤوجودلوغونو گؤرموروک. ان اؤلومجول ضربه‌لردن سونرا دا قهرمانلار هئچ نه اولمامیش کیمی حرکتلرینه داوام ائدیرلر («تم و جری»). اوشاقلارین رئال حیاتدا سئویملی قهرمانلارینی تکرارلاما جهدی ایسه ساغلاملیق و حیاتی اوچون جدی تهلوکه‌دیر (مثلاً، اوچان و یا آلوولا اوینایان قهرمانلاری ایزله‌مک).

۴. اوبرازلار جینسینه اویغون داورانمیر (مثلاً، قادینلار دؤیوشه گئتمه‌مه‌لیدیر و س.).

۵. اینسان، حیوان و یا بیتکیلره قارشی آشاغیلاییجی مؤقع (مثلاً، علیللیک، قوجالیق، سوسیال برابرسیزلیین گولوش اوبیکتینه چئوریلمه‌سی).

۶. اساس قهرمانلار ظاهرا خوش اولمایان تصورات یارادیر. چونکی اوشاقلار مثبت قهرمانین گؤزل، منفی قهرمانین ایسه چیرکین اولدوغونو دوشونور.

۷. یونگول حیات طرزی تبلیغ اولونور، قهرمانلار مقصدینه آسان یوللا، یاخود یالانلا چاتیر.

۸. مؤلفلر عائله دیرلرینی گولوش هدفینه چئویریر («سیمپسونلار» کیمی).

یعنی اگر جیزگی فیلمینده سادالادیغیمیز نوانسلار وارسا، اؤولادینیزین بونو ایزله‌مه‌سی توصیه اولونمور».

لعمان نور وورغولاییب کی، داواملی جیزگی فیلمی ایزله‌مک آسیلیلیق یارادیر و لازیمی تدبیرلر گؤرولمزسه، آوتیزم پروبلملرینه گتیریب چیخارا بیلر. بو مدت گون عرضین‌ده ۳۰ دقیقه‌دن چوخ اولمامالیدیر.

پسیخولوق گولنار اوروجووا دا بیلدیریب کی، اوشاقلار بعضا جیزگی فیلملریندن گؤردوکلرینی رئال حیاتدا تکرارلاماغا چالیشیرلار:

«بو گون آذربایجان افیرینده اوشاقلارین ان چوخ ایزلدیی جیزگی فیلمی «ماشا و مدود» و یا رئاللیقلا علاقه‌سی اولمایان (هؤرومچک آدام، سوپرمن و س.) قهرمانلاردیر. اوشاق تخیلو یوکسک اولدوغونا گؤره بعضا جیزگی فیلملریده گؤردوکلرینی رئال حیاتا تطبیق ائتمه‌یه چالیشیرلار. بو دا اوشاقلاری بیر سیرا تهلوکه‌لرله قارشی-قارشییا قویور. تورکییه، روسییا کاناللاریندا یاییم‌لانان جیزگی فیلملری ایسه اوشاقلاردا آقرسییا یارادیر».

تاریخ
2019.02.25 / 09:20
مولف
Axar.az
شرح لر
دیگر خبرلر

کلبجرده اونیکال بنا انشا اولونور - ویدئو

شرقی آذربایجان‌دا یول قزالاریندا نئچه نفر اؤلوب؟- رسمی استاتیستیکا

پکینده فتح و حماس آراسیندا دانیشیقلار یکونلاشدی

ایران‌دا قزئت و خبر سایتینا محکمه ایشی آچیلدی

تهرانلا سازیشین ایمضالانماسینا حاضرلیق باشا چاتدی

هر کس اؤز آدامینی حکومته یئرلشدیرمک ایسته‌ییر-پزشکیان

پرزیدنت گونئی‌لی فوتوژورنالیستله گؤروشدو

آذربایجانین ایران‌داکی سفیری ایران خارجی ایشلر ناظیرلییندده گؤروشلر کئچیردی

پزشکیان‌دان آنا دیلینده تحصیلله باغلی یئنی آددیم

ایران و روسییا واحید سیستمه قوشولور

خبر خطّی
Axar.az'da reklam Bağla
Reklam
Bize yazin Bağla