اگر من و کوماندام ارمنستاندا حاکمیته گلسک، آذربایجانلا صلح دانیشیقلاری صفر نقطه‌سیندن باشلامایاجاق.

Axar.az خبر وئریر کی، بونو ارمنستانین سابق پرزیدنتی و «هایاستان» سئچکی بلوکونون باش ناظیرلییه نامزدی روبرت کؤچریان دئییب.

کؤچریان ادعا ائدیب کی، اونون یاناشماسی دانیشیقلار پروسسینین صفرلانماسی" دئمک دئییل. اونون سؤزلرینه گؤره، صلح مقاوله‌سی اوچون «ضمانتچیلر» لازمدیر.

«ضامین طرفلر»ا گلینجه، کؤچریان بو رولدا روسیا و آمریکانی گؤرور:

«آوروپا بیرلیینین اشتراکی دا آرزواولونان اولاردی، اما من روسیا، آمریکا و چینین داخل ائدیلمه‌سینی ایده‌آل واریانت حساب ائدیرم».

خاطیرلاداق کی، حاضردا آذربایجان و ارمنستان صلح دانیشیقلاری، سرحدین دلیمیتاسییاسی و دیگر پروسسلری واسطه‌چیلر اولمادان داوام ائتدیریر. رسمی باکی و ایروان بیر نئچه دفعه واسطه‌چیلره احتیاجین اولمادیغینی بیان ائدیب.