پرزیدنت ایلهام علیئو پاکیستانین باش ناظیری شهباز شریفه باشساغلیغی وئریب.

Axar.az خبر وئریر کی، مکتوبدا بیلدیریلیر:

«حرمتلی جناب باش ناظیر،

عزیز قارداشیم،

اؤلکه‌نیزین جنوب-غربینده سرنشین قطارینی هدف آلان خاین ترور آکتی نتیجه‌سینده چوخ سایدا انسانین هلاک اولماسی و خسارت آلماسی باره‌ده خبر بیزی اولدوقجا کدرلندیردی.

بیز بو دهشتلی حادثه‌دن سون درجه حیدتلنیر، تروریزمین بوتون تظاهرلرینی قطعیتله پیسله‌ییر، تروریزمه قارشی ان کسکین شکلده مبارزه آپاریلماسینی لابود حساب ائدیریک.

بو آغیر آنلاردا دردینیزی بؤلوشور، سیزه، هلاک اولانلارین عائله‌لرینه و یاخینلارینا، قارداش پاکیستان خالقینا اؤز آدیمدان و آذربایجان خالقی آدیندان درین حزنله باشساغلیغی وئریر، یارالانانلارین تئزلیکله ساغالماسینی آرزولاییرام.

الله رحمت ائلسین!»