گونئی آذربایجان‌دا اکثر یوللارین برباد وضعیت‌ده اولدوغو، سون ایللرده تمیر-برپا ایشلرینین آپاریلمادیغی باره‌ده دفعه‌لرله معلومات یاییلیب.

آخار. آذ خبر وئریر کی، تیکانتپه تئلئقرام کاناللارین‌دا یاییلان بیر ویدئودا تیکانتپه-«سایین قالا» یولونون هان‌سی وضعیت‌ده اولدوغو عکسینی تاپیر.

دئییله‌نلره گؤره، ویدئودا گؤرونه‌ن یول قربی آذربایجان ایالتین‌ده یئرلشن تیکانتپه‌نین ان یاخشی جادده‌سی حساب اولونور، بؤلگه‌نین دیگر یوللاری داها آجیناجاق‌لی وضعیت‌ده‌دیر.

هر ایل یوزلرله آذربایجان‌لی بو یول‌دا باش وئره‌ن آوتوموبیل قزالارین‌دا حیاتینی ایتیریر و یا موختلیف درجه‌لی بدن خسارتی آلیر.

تیکانتپه شهری «زره شوران» و «آغ دره» کیمی یاخین شرقین ان بؤیوک قیزیل معدنلرینه مالیکدیر. بو بؤلگه چوخ سایدا قیمتلی داش معده‌نلری ایله ده زنگیندیر.