گونئی آذربایجان‌لی میللی-مدنی فعاللاری حکیمه احمدی و سیامک میرزایی‌نین آجلیق آکسییاسی داوام ائدیر.

آخار. آذ خبر وئریر کی، بیناب عدلیه شعبه‌سینه عنوانلادیغی مکتوب‌دا قئیری-معین وضعیت‌ده ساخلانماسینا اعتراض اولاراق ماراغا حبسخاناسین‌دا آجلیق آکسییاسینا باشلایان ح.احمدی آکسییاسی‌نین ۳-جو گونون‌ده‌دیر. ائوین زیندانی‌نین تک‌نفرلیک کامئراسین‌دا آجلیق آکسییاسی کئچیرمک‌ده اولان دیگر میللی-مدنی فعال سیامک میرزایی ایسه ۱۶ گون‌دور آکسییاسینا داوام ائدیر. عائله‌سی فعالین صحتیندن دولایی نیگاران‌دیر.
قئید ائدک کی، حکیمه احمدی ۹ آی اؤنجه ساخلانیلاراق ماراغا حبسخاناسینا کؤچورولوب.ایکی اوشاق آناسی اولان ح.احمدی‌نین سوسیولوگییا اوزره یوکسک لیسانسی وار. او مرند شهری‌نین فعاللارین‌دان بیری کیمی آنا دیلین‌ده تحصیل حقوقو طلبی ایله علاقه‌دار فعالیت گؤستریر. سیامک میرزایی ایسه ۲۰۱۶-جی ایل ایونون ۲۴-ده اردبیله یاخین پارساباد شهرین‌ده ساخلانیلیب. فعال اؤنجه تئهران محکمه‌سی طرفین‌دن اؤلکه‌نین میللی تهلوکه‌سیزلیینه قارشی چیخماق و قانون‌سوز قروپ یاراتماق کیمی اتهاملارلا ۱۰ ایل حبس و ۲ ایل طبس شهرینه سورگونه محکوم ائدیلیب. سونرا آپئللیاسییا محکمه‌سی فعالین ایشینه یئنی‌دن باخاراق میرزایی‌نی ۳ ایل حبس و ۱ ایل سورگون جزاسی وئریب.