بیر آذربایجان‌لی آنا تبریز مکتبلرین‌ده «فارسجا یئترلیلیک» تئستینین تطبیق اولوندوغو باره‌ده ویدئو یایاراق معلومات وئریب.

آخار. آذ خبر وئریر کی، تبریزلی آنا سؤزوگئدن تئستین اؤولادی اوزرین‌ده تطبیق اولوندوغونو بیلدیریب.

«آوگوستون ۱۹-دا اوشاغی تبریزین ظفرانییه محله‌سین‌ده یئرلشه‌ن «همت» مکتبینین قیمتله‌ن‌دیرمه مرکزینه گؤندردیلر. مراجعت ائتدیک‌دن سونرا اوساغی فارسجا بیلمدیی اوچون چوخ قینادیلار. حیوانلارین شکیلینی اونا گؤستریب فارس دیلین‌ده آدلارینین نه اولدوغونو سوروش‌دولار. لاکین اوشاق سواللارا جاواب وئره بیلمه‌دی. اونا گؤره کی، بیز اونونلا هئچ واخت فارس دیلین‌ده صحبت ائتممیشیک.

بون‌دان سونرا بیزه بیر آنکئت وئریب، ایالت‌ده‌کی داها بیر مرکزده نؤوبتی دفعه تئستین تطبیق اولوناجاغینی بیلدیردیلر.»-دئیه او قئید ائدیب.

بون‌دان سونرا آذربایجان‌لی خانیم مکتب مسئوللاری ایله علاقه ساخلایاراق اوشاغینین اوزرین‌ده «فارسجا یئترلی‌لیک» تئستینین تطبیق اولونماسینی بیلدیریب. لاکین اونلار فاکتی اینکار ائد‌رک سؤزوگئدن تئستین تبریزده تطبیق اولونمادیغینی بیان ائدیبلر.