خانقاه کندین‌ده‌کی یانغینا تهران هلکوپتر گؤندرمه‌ییب.

آذنیوز. تی وی خبر وئریر کی، بو باره‌ده کلیبرین مسئوللاری، همچینین، یانغینین سؤندورولمه‌سین‌ده ایشتیراک ائد‌نلر معلومات وئریب.

مهر خبر آگئنت‌لیگی تهران‌دان ۲ عدد یانغین سؤندورن هلکوپترین منطقه‌یه گؤندریلدییی باره‌ده معلومات یاییب. معلوماتا گؤره، هلکوپترلر جومعه آخشامی گونو سحر چاغی یانغین یئرینه چاتمالی اولمالی‌دیر.

لاکین بو ساعتا قدر منطقه‌ده هئچ بیر هلکوپتر مسئوللار و اهالی طرفین‌دن تصدیقله‌نمه‌ییب.

قید ائدک کی، سؤزوگئدن مئشه یانغینی ورزیقانین سونگون میس معدنی یاخینلیغین‌دا خودآفرین شهریستانی‌نین خانقاه کندی اطرافین‌دا آرتیق ۵ گون‌دور کی داوام ائدیر. بؤلگه‌نین یئرآلتی و یئراوستو ثروتلرین‌دن فایدالانان ایران حکومتی یانغینی سؤندورمک اوچون هلکوپتر بئله گؤندرمیر.