یزددن اولان سیویل فعال عباس نوری شادکامین وکیلی محمد موقیمی موکیلینه قارشی آغیر حکم چیخاریلدیغینی بیلدیریب.

آخار. آذ خبر وئریر کی، او، شادکامین عمومی‌لیک‌ده ۳۵ ایل حبس، ایکی ایل ایسه سیستان و بلوجیستان ویلایتینین نیکشهر شهرینه سورگونه محکوم ائدیلدیینی دئییب.

فعال ۲۰۱۶-جی ایلین یایین‌دا «تلگرام» کاناللارین‌دا یازیلار یایینلادیق‌دان سونرا «سئپاه» تشکیلاتینین کشفیات ایداره‌سی طرفین‌دن حبس ائدیلمیشدی. او، ۱۱ آی حبسخانادا قالدیقدان سونرا ۱.۵ میلیارد تومن‌لیک ملکی وثیقه قارشیلیغین‌دا ضامینه بوراخیلمیش‌دی.

وکیل علاوه ائدیب کی، محکمه اؤنجه شادکامی اعدام حکمو نظرده توتولموش «ایسلام مقدسلرینی تحقیر ائتمه»ده اتهام ائتسه ده، لاکین موکلی بو اتهام‌دان‌دان براعت آلیب. لاکین اونا قارشی «بیر نئچه پیغمبر و امامی تحقیر ائتمه»، «دؤولت علیهینه تبلیغات» و «دینی لیدری تحقیر ائتمه» کیمی قوندارما اتهاملار ایر‌لی سورولوب. نتیجه‌ده عباس نوری شادکام آغیر جزایا محکوم ائدیلیب.