ایران میللی مجلیسینین تهران‌دان سئچیلمیش میللت وکیلی محمود صادقی اؤتن ایللر عرضین‌ده اؤلکه‌نین ۱۰۰ مأمورو و مأمور اؤولادینین غیری-قانونی اولاراق تحصیل تقاعدو الده ائتدیینی دئییب.

آخار. آذ خبر وئریر کی، او، تحصیل ناظرینین تقدیم ائتدیی سیاهی‌دا قانون‌سوز اولاراق تحصیل تقاعدو آلمیش بیر چوخ میلت وکیلی، امام جمعه و پلیس کماندانینین اؤزلری و اؤولادلارینین آدلارینین اولدوغونو بیلدیریب. لاکین میلت وکیلی همین شخصلرین کیملر اولدوغونو آچیقلاماییب.

داها اؤنجه‌لر ده بیر چوخ مئدیا اورقانلارین‌دا بعضی میللت وکیللری و اونلارین اوشاقلاری، ائلجه ده محمود احمدی‌نژادین دؤورون‌ده تحصیل ناظری پوستونو توتموش، حاضردا ایسه پارلامنتین تحصیل کمیسییاسینین رهبری اولان محمدمهدی زاهیدینین ناظیرلیین آپارات رهبری اولان اولادینین دا قانون‌سوز بورس الده ائتدیی باره‌ده معلوماتلار درج ائدیلمیشدی.