شرقی آذربایجان ویلایتینین طبی اکسپرتیزا مرکزینین بیلدیردیینه گؤره، بو ایلین ایلک ۷ آیین‌دا ویلایت‌ده باش وئرمیش ایش قزالاری سببیله ۵۹ فهله هلاک اولوب.

آخار. آذ خبر وئریر کی، طبی اکسپئرتیزا مرکزینین صدری علی صفایی-فرد بو حاق‌دا دؤولت آگئنت‌لیگی ایرنا-یا معلومات وئریب.

صفایی-فردین سؤزلرینه گؤره، ویلایت‌ده ایش قزالارین‌دا اؤلنلرین سایی کئچه‌ن ایله مقاییسه‌ده ۲۶ فایز آرتیب.

«بو ایلین (۱۳۹۸ هیجری ایلی) ایلک ۷ آیین‌دا باش وئرمیش ایش قزالاری نتیجه‌سین‌ده ۵۹ نفر حیاتینی ایتیریب. اؤلنلرین ۱۵-i یوکسکلیکدن دوشمک، ۱۰-او سرت اوبیکته چارپماق، ۳-او الکتریک وورماسی و ۱-i یانغین سببیله هلاک اولوب. همچینین، بو مدت‌ده ایش قزالارین‌دا خسارت آلان ۸۱۵ نفر مرکزیمیزه مراجعت ائدیبل.»

۱۳۹۷-جی هیجری ایلین‌ده شرقی آذربایجان ویلایتین‌ده باش وئره‌ن ایش قزالارین‌دا ۷۳ فهله و ایشچی هلاک اولموش‌دو.

ایران ایسلام رئسپوبلیکاسی ایش تهلوکه‌سیزلیگی ایستاندلارینا گؤره، دونیادا ایشچیلرین ان چوخ اؤلوم ریسکی ایله اوزلشدیی اؤلکه‌لر آراسین‌دادیر.