ایران میللی مجلیسی خاریجی اؤلکه‌لره ائدیله‌ن سفرلرله باغلی یئنی قانون قبول ائدیب.

آخار. آذ خبر وئریر کی، قانونا اساساً، اؤلکه‌دن چیخان هر بیر شخص بونا گؤره وئرگی اؤد‌مه‌لی اولاجاق.

هله‌لیک اؤد‌نیله‌ن مبلغین هج‌می تام دقیق‌لیگی ایله آچیقلانماسا دا، بو وئرگینین حاضردا اؤد‌نیله‌ن «چیخیش پولو» ایله فرق‌لی آنلاییش اولدوغو بیلدیریلیر. بئله کی، آرتیق خاریجه گئدن اؤلکه وطنداشلاری هر ایکی مبلغی اؤد‌مه‌لی اولاجاقلار.

میلت وکیللرین سؤزلرینه گؤره، طلبه‌لر، دیپلماتلار، خسته‌لر، خاریج‌ده ایشله‌یه‌ن وطنداشلار و عراقا دینی زیارته گئدنلر یئنی وئرگیدن آزاد اولاجاقلار.

ایرانین ۱۳۹۹-جو ایل (۲۱ مارت ۲۰۲۰- ۲۱ مارت ۲۰۲۱ رئد.) بودجه لاییحه‌سین‌ده ایل عرضین‌ده ایلک دفعه خاریجه گئدنلرین ۲۶۴ مین تومه‌ن «چیخیش پولو» اؤد‌مه‌لری نظرده توتولور. ۲-جی سفرده مبلغ ۳۹۶ مین، ۳-جوده ایسه ۵۲۸ مین تومه‌نه قدر یوک‌سه‌له‌جک. یئنی وئرگینی ده "چیخیش پولو"نون اوزرینه گلدیک‌ده، دئمک اولار کی، اونسوزدا آغیر اقتصادی وضعیت‌ده یاشایان ایران وطنداشلارینین خاریجه سفر ائتمه‌لری داها دا چتینلشه‌جک.