سون گونلر آذربایجان رسپوبلیکاسینین داغلیق قاراباغ بؤلگه‌سینین ارمنی اجماسینین بیر سیرا عضولری سئچکیلی نماینده کیمی منه مراجعت ائد‌رک (تهلوکه‌سیزلیک باخیمین‌دان اونلارین آدلارینی آچیقلایا بیلمیرم) داغلیق قاراباغ‌دا کسکین رسپیراتور اینفکسییایا، پنومانییایا یولوخموش شخصلرین سایینین آرتماسی، صحیه اینفراستروکتورونون آجیناجاقلی وضعیتی، تستلرین اولماماسی،طبی هئیتین چاتیشماماسی باره‌ده معلومات وئره‌رک ارمنیستانین و قانون‌سوز رژیمین کوروناویروسا (کووید-۱۹) یولوخما حاللارینی اهالی‌دن گیزلتمه‌سی ایله باغلی ناراحات‌لیقلارینی ایفاده ائدیبلر.

آخار. آذ خبر وئریر کی، بونو آذربایجان رسپوبلیکاسینین داغلیق قاراباغین آذربایجان‌لی اجماسینین صدری تورال گنجلیئو دئییب.

"من سئچکی‌لی نماینده اولاراق آذربایجان رسپوبلیکاسینین داغلیق قاراباغ رگیونونون ارمنی ایجماسینا کوروناویروسدان مدافعه اولونماق اوچون فردی گیگیئنا قایدالارینا، اؤزونوتجرید، سوسیال مسافه کیمی تدبیرلره جدی صورت‌ده رعایت ائتمه‌یه چاغیریرام. امینه‌م کی، ارمنیستانین ایشغالی باشا چاتدیق‌دان سونرا آذربایجان دؤولتی اؤلکه‌میزین داغلیق قاراباغ بؤلگه‌سین‌ده صحیه اینفراستروکتورونو یئنیدن قوراجاق و هر ایکی اجما معاصر ایستاندارتلارا جواب وئره‌ن طب سیستمینین ایمکانلارین‌دان بهره‌لنه‌جکلر"، - دئیه گنجلیئو بیلدیریب.