آنا صحیفه توپلوم |
ایرانین شرقی آذربایجان ایالتینین «ال ایشلری، توریزم و مدهنی ارث تشکیلاتی»نین باش دیرکتورو احمد همزهزاده ژورنالیستلره آچیقلاماسیندا اؤلکهده یاییلان کوروناویروس پاندمییاسینین ایالتین توریزم سکتورونا گؤستردیی منفی تأثیریندن دانیشیب.
آخار. آذ-این معلوماتینا گؤره او دئییب کی، «جووید-۱۹» ویروسونون یاییلماسی سببیله اورتایا چیخمیش پروبلئملر، شرقی آذربایجان ایالتینین توریزم، خصوصاً ده ال ایشلری صنایعسینین اینکیشافینا جدی خلل گتیریب: «تأسفلر اولسون کی، شرقی آذربایجانین توریزم سئکتوروندا سیغورتالانمیش شکیلده فعالیت گؤسترهن ۲۵ مین نفر کوروناویروسون یاییلماسی اوجباتیندان یارانمیش چتینلیک و پروبلئملره گؤره ایشسیز قالماق تهلوکهسی ایله اوز-اوزه قالیب.
حاضردا ایسه ایالتین توریزم، او جملهدن ال ایشلری صنایعسی سکتورونون مؤوجود چتین وضعیتدن چیخماق اوچون حکومتین خصوصی دقت و یاردیمینا احتیاجی وار.
حساب ائدیرهم کی، کوروناویروسدان یارانمیش بحراندان اساس چیخیش یوللاریندان بیری، توریزم صنایعسی ساحهسینده داخیلی سیاهت و سفرلرین گئنیشلندیریلمهسی و خاریجی سیاهتلره دقت و اؤنمین آرتیریلماسیدیر. محض بونا گؤره ده دوشونورهم کی، مؤوسومی تعطیللرین تعیین ائدیلمهسی ایله باغلی قرارلارین قبول ائدیلمهسی داخیلی سفرلرین اینکیشاف و گئنیشلندیریلمهسینه یاردیم ائده بیلر.
تاریخ
2020.05.02 / 14:10
|
مولف
Axar.az
|