مایین ۲۴-او و ۲۵-ده آذربایجان‌دا رمضان بایرامی قید اولونور.

آخار. آذ خبر وئریر کی، مقدس رمضان بایرامی مسلمانلار طرفین‌دن هیجری تقویمینین ایکینجی ایلیندن قید اولونماغا باشلانیب.

رمضان آیی اینسانلارا الله یولون‌دا اؤز ایراده‌لرینی، دؤزوملرینی یوخلاماق ایمکانی وئریر؛ اینسانلاری گؤزواچیق، تمیز ویجدان‌لی اولماغا یؤنلدیر و بوتون بونلار اوروجلا ایفاده اولونور.

محض رمضان آیینین آخیرینجی ۱۰ گئجه‌سینین بیرینده قران نازیل ائدیلیب. دئییله‌نلره گؤره، بو حادثه آیین ۲۳-دن ۲۴-نه، یا دا ۲۶-دان ۲۷-نه کئچه‌ن گئجه باش وئریب. بو گئجه "لیله‌ القدر" - قدرت‌لی، عظمت‌لی گئجه آدلانیر. قران‌دا (۹۷:۱-۵) بو گئجه حاقین‌دا بئله یازیلیر: "حقیقتا، بیز اونو (قرانی) قدر گئجه‌سین‌ده نازیل ائتدیک! سن هارادان بیله‌سه‌ن کی، قدر گئجه‌سی ندیر؟ قدر گئجه‌سی مین آیدان خئییرلیدیر. او گئجه ربیمین ایزنی ایله ملکلر و روح (جبرایل) هر ایشه گؤره (یئره) ائنیرلر. او گئجه صبح آچیلانادک امین-آمان‌لیق اولور".

اوروجلوقدا گونون ایشیق‌لی واختی یئمک، ایچمک، سیگارئت چکمک، ار-آرواد آراسین‌دا جین‌سی یاخین‌لیق و س. اولماز. اوروج توتماق‌دان یالنیز اوشاقلار، خسته‌لر، حامیله قادینلار، جبهه‌ده ووروشانلار، یولچولار (سیاحلار) آزاد اولونورلار. اوروجلوق رمضان آیین‌دا تزه آی چیخان‌دان باشلاییر و ۲۹-۳۰ گون داوام ائدیر. قران‌دا (۲:۱۸۷) دئییلیر: "...دان یئری سؤکوله‌نده آغ ساپ (شفق) قارا ساپدان (گئجه‌نین قارانلیغین‌دان) سئچی‌لنه قدر یئیین-ایچین. سونرا گئجه‌یه‌دک اوروجونوزو تاماملایین".

اوروجلوق ایسلام‌دان اول ده مؤوجود ایدی. بو باره‌ده قران‌دا (۲:۱۸۳) قید اولونور: "ای ایمان گتیره‌نلر! سیزدن اولکیلره واجیب ائدیلدیی کیمی، سیزه ده اوروج توتماق واجیب ائدیل‌دی کی، بلکه (پیس عمللردن) چکینسینیز".

اوروجلوق "فیطر" بایرامی ایله باشا چاتیر. همین گون بوتون ایمکان‌لی مسلمانلار کاسیبلارا یاردیم ائتملیدیرلر. فیطره وئررکه‌ن بوتون عائله عضولری نظره آلینیر.

آذربایجان‌دا رمضان بایرامی ۱۹۹۳-جو ایلده‌ن دؤولت سوییه‌سین‌ده قید اولونور.