هاوانین سویوق و شاختالی اولماسینا باخمایاراق، آذربایجانین قاراباغ اقتصادی رایونون‌دا فایدالی یاتاقلارین قانونسوز ایستیثماری علیهینه خانکندی-لاچین یولوندا کئچیریلن اعتراض آکسییاسی قیرخ اوچ گوندور داوام ائدیر، گنج آکتیویستلر گون عرضین‌ده اولدوغو کیمی، یوکسک فعاللیق گؤستریرلر.

Axar.az خبر وئریر کی، دکابرین ۱۲-ده سحر ساعتلاریندان باشلایان آکسییا (تظاهرات) اؤتن گئجه بویو دا داوام ائدیب.

شوشا شهرینه قارین یاغماسینا باخمایاراق، آکسییا (تظاهرات) ایشتیراکچیلاری گون عرضین‌ده اولدوغو کیمی، گئجه‌دن سحره‌دک داواملی شکیل‌ده ایستی یئر، ایستی چای و قیدالارلا تعمین اولونوبلار.

تهلوکه‌سیزلیک قایدالارینا یوکسک سوییه‌ده عمل اولونان توپلانیش یئرینده گئجه بویو دا هئچ بیر حادثه باش وئرمه‌ییب.

همیشه اولدوغو کیمی، اعتراضچیلار بو سحر ده آذربایجان دولت هیمنینین (سرود ملی) سسلندیریلمه‌سی ایله آچیبلار. داها سونرا وطنپرورلیک روحوندا ماهنیلار ایفا ائدیبلر.

حاضردا هاوانین شاختالی اولماسینا باخمایاراق، اکوفعاللار (فعالان محیط زیست) یولون هر ایکی طرفین‌ده، حرکته مانعه تؤرتمه‌دن اوزرینده آذربایجان، روس و اینگیلیس دیللرینده یازیلمیش پلاکاتلار قالدیریب، شعارلار سسلندیریرلر.

آکسییا ایشتیراکچیلارینین (تظاهر کنندگان) طلبلری ایلک گوندن اولدوغو کیمی، دییشمز اولاراق قالیر.

بئله کی، اکوفعاللار(فعالان محیط زیست) و گنج کؤنوللولر «آذربایجان اویاقدیر، ثروتینه دایاق‌دیر!»، «آذربایجان واحددیر، ثروتینه صاحب‌دیر!»، «اکولوژی جینایته سون!»، «ایستوپ اکوترور!»، «Берегите природу!»، "Экоциду нет! Мониторингу да!" شعارلارینی سسلندیریرلر.

قید ائدک کی، شوشا اراضی‌سین‌ده روسییا صلح‌مرام‌لیلارینین (نیروهای محافظ صلح روسیه) نظارتین‌ده اولان یولون بیر حیصه‌سین‌ده اعتراض آکسییاسی (تظاهرات اعتراضی) آذربایجان‌لی آکتیویستلر (فعالان) و اکولوگییا اوزره غیری-حکومت تشکیلاتلارینین (قحت) (سازمانهای غیر دولتی محیط زیست) عضولری طرفین‌دن قاراباغ اقتصادی رایونون‌دا ائکولوژی ترورا (ترور اقتصادی) سون قویولماسی طلبی ایله کئچیریلیر. آکسییا اشتیراکچیلاری (تظاهر کنندگان) گونلردیر کی، یوکسک عزم، متانت، قطیعت نماییش ائتدیریرلر.

خاطیرلاداق کی، ۲۰۲۲-جی ایل دکابرین ۳-ده و ۷-ده روسییا صلح‌مرام‌لی کونتینگئنتینین کوماندانلیغی (فرماندهی یگانهای نیروهای محافظ صلح روسیه) ایله آپاریلمیش مذاکیره‌لرین نتیجه‌سی اولاراق اقتصادیات ناظرلیگی، اکولوگییا و طبیعی ثروتلر ناظرلیگی، اقتصادیات ناظرلیگی یانین‌دا املاک مسئله‌لری دولت خیدمتی و «آزرگولد» قاپالی سهمدار جمعیتینین متخصصلرین‌دن عبارت هئیت روسییا صلح‌مراملی کونتینگئنتینین ( یگانهای نیروهای محافظ صلح روسیه) موقتی یئرلشدیی آذربایجان اراضیلرین‌ده فایدالی قازینتی یاتاقلارینین قانون‌سوز استیثماری (استفاده‌سی)، بوندان ایر‌لی گلن اکولوژی و دیگر فسادلارلا باغلی ایلکین مونیتورینگ(بازرسی) آپارمالی ایدی. لاکین صلح‌مرام‌لیلارین حرکتسیزلیگی اوجباتین‌دان مونیتورینگ (بازرسی) باش توتماییب.