ایران ترورچو رژیمی گونئی آذربایجانین بوتون عابده‌لری و تاریخی بینالارینی محو ائتمک فیکرینده‌دیر. بیزه عایید نه وارسا، هامیسینی داغیدیر.

بو سؤزلری Axar.az-آ میللی فعال و آوسترالیادا یاشایان سیاسی مهاجیر ائلوین اویتا دئییب.

او بیلدیریب کی، تاریخی عابده‌لر ایران رژیمینین باربار سیاستی ایله یوخ اولماق اوزره‌دیر:

«گؤزل معمارلیق نمونه‌لرینه مالیک ارک قالاسی، یاخود نادیر تیکیلیلردن اولان گؤی مسجید - هامیسی تاریخی اهمیتلی بینالار ایدی. بعضی عابده‌لریمیزی ال ایله داغیتماغا گوجلری چاتمیردی، توپلا ووروب ییخیردیلار. چوخ قدیم بینالارین یاخینلیغین‌دا یئنی بینالار تیکیبلر. بو ایسه قدیم بینانین اؤزولونو داغیدیر. قوروماق عوضینه یئر اوزوندن سیلمه‌یه چالیشیرلار».

ائلوین اویتا فارسلارین آذربایجان عابده‌لرینه لاقید یاناشماسینین پهلویلر دؤنه‌میندن میراث قالدیغینی وورغولاییب:

«پهلویلر حاکمیته گلنده تورک عابده‌لرینین قصدینه دوردولار. بیز محمد رضا «پالانی»، اوغلونا «رضا پالانی» دئییریک. بونلارین شهرتی «پالانی» ایدی. سونرا دییشیب، اؤزلرینه پهلوی دئییبلر. باخمایاراق، بونلارین تورک طرفی ده وار. بیر طرفلری شمالی آذربایجان‌دان اولدوغو دئییلیر. اما آسیمیلیاسییا اولونوب، مانقورتلاشانلارداندیر. فارس فاشیزمینی قوران ایرانچیلاردیر. سویلاری تورک اولسا دا، ساتقین اولوبلار. محمد رضانین ۳ خانمی اولوب. ایکیسی بونون اخلاقینین دوزگون اولمادیغینی گؤروب، بوشاندی. لاکین تبریزدن اولان فرح اونونلا ائولندی. اؤزو بیر کلمه تورکجه دانیشماییب. بیزیم مدنیتی تبلیغ ائتمه‌ییب، عکسینه، ضدیمیزه اولوب»، - او بیلدیریب.