۱۱:۵۵

خوجالی فاجعه‌سینین ۳۲-جی ایلدؤنومو ایله علاقه‌دار فورالین ۲۶-دا باش ناظر علی اسدوو، میللی مجلیسین صدری صاحبه غفارووا، پرزیدنت آدمینیستراسییاسینین رهبری سامیر نوریئو، دیگر دولت و حکومت رسمیلری خوجالی سویقیریمی عابده‌سینی زیارت ائدیبلر.

Axar.az خبر وئریر کی، دولت و حکومت رسمیلری سویقیریمی عابده‌سینین اؤنونه گول دسته‌لری دوزه‌رک، فاجعه قوربانلارینین عزیز خاطره‌لرینی احتیراملا آنیبلار.

قید ائدک کی، ۱۹۹۲-جی ایل فورالین ۲۵-دن ۲۶-نا کئچه‌ن گئجه ارمنی سلاحلی دسته‌لری کئچمیش سووت اوردوسونون خانکندی شهرینده یئرلشن ۳۶۶-جی آلایینین اشتراکی ایله خوجالی شهرینی یئرله-یئکسان ائدیب. ارمنی تجاوزکارلارینین آذربایجان خالقینا قارشی تؤرتدیی نوبتی کوتلوی قیرغین نتیجه‌سینده ۶۱۳ نفر، او جمله‌دن ۱۰۶ قادین، ۶۳ اوشاق، ۷۰ قوجا خصوصی آمان‌سیزلیقلا قتله یئتیریلیب، ۱۲۷۵ دینج ساکین اسیر گؤتورولوب، ۱۵۰ نفرین تالعی ایسه هله ده معلوم دئییل. بو سویقیریمی آکتی نتیجه‌سینده ۸ عائله تمامیله محو ائدیلیب، ۲۵ اوشاق هر ایکی والیدینینی، ۱۳۰ اوشاق ایسه والیدینلرین‌دن بیرینی ایتیریب.

***

خوجالی فاجعه‌سینین ۳۲-جی ایلدؤنومو ایله علاقه‌دار فورالین ۲۶-دا مدافعه ناظری گنرال-پولکوونیک ذاکیر حسنوو، دولت سرحد خیدمتینین (دسخ) رئیسی گنرال-پولکوونیک الچین قولیئو و قوروملارین دیگر رهبر هئیتی باکی‌داکی "آنا هارایی" عابده‌سینی زیارت ائدیبلر.

***

دولت تهلوکه‌سیزلییی خیدمتینین (د.ت.خ) امکداشلاری خوجالی عابده‌سینی زیارت ائدیبلر.

بو باره‌ده د.ت.خ مطبوعات خیدمتی معلومات یاییب.

خوجالی سویقیریمینین ۳۲-جی ایلدؤنومو ایله علاقه‌دار دتخ رئیسی گنرال-پولکوونیک علی ناغییئو و خیدمتین امکداشلاری باکی شهرینین ختایی رایونون‌دا سویقیریمی قربانلارینین خاطره‌سینه اوجالدیلمیش عابده‌نی زیارت ائدیبلر.

عابده‌نین اؤنونه گول دسته‌لری دوزولوب، فاجعه زامانی هلاک اولانلارین عزیز خاطره‌سی درین احتیراملا یاد ائدیلیب.