آنا صحیفه توپلوم |
آذربایجان رسپوبلیکاسینین دنیز سرحدینی پوزان شخصلر ساخلانیلیب.
Axar.az خبر وئریر کی، بو بارهده دؤولت سرحد خیدمتینین مطبوعات مرکزی معلومات یاییب.
فئورال آیینین ۲۲-ده دولت سرحد خیدمتینین ساحل محافظهسینین ساحل نظارتی بؤلمهلری، تکنیکی مشاهده منطقهلری و سرحد گؤزتچی گمیلرینین قارشیلیقلی فعالیتی نتیجهسینده «شاهداغ» سرحد گؤزتچی گمیسی طرفیندن خزر دنیزینین آذربایجان رسپوبلیکاسینا منصوب بؤلمهسینین الت ریدی ایستیقامتینده جنوبا دوغرو حرکت ائدن نامعلوم هدف آشکار ائدیلیب.
هدفین ساخلانیلماسی مقصدیله ساحل محافظهسینین گمیلری طرفیندن تعقیب ائتمه عملیاتلارینا باشلانیلیب، سرحد بؤلمهلری عایدیاتی اوزره معلوماتلاندیریلیب، رگیونال شعبهلرین تکنیکی مشاهده منطقهلری طرفیندن مشاهیدهلر گوجلندیریلیب و ساحل خطینین قاپادیلماسی مقصدیله تاخیرسالینماز تدبیرلر گؤرولوب.
سرحد گؤزتچی گمیسینین سرعتلی مانئرلری نتیجهسینده خزر دنیزینین آذربایجانا منصوب بؤلمهسینین جنوب ایستیقامتینده کوردیلی آداسی رئیدینده «یاماها-۲۰۰» محریکی ایله تجهیز ائدیلمیش ایکی نفر هئیت عضوو اولان ایتی سرعتلی قاییق ساخلانیلیب.
دنیز سرحدینی پوزدوقلارینا گؤره ساخلانیلمیش قاییغین هئیت عضولرینین ایران اسلام رسپوبلیکاسی وطنداشلاری ۱۹۸۶-جی ایل تولدلو یوسیفی نژاد مهران تقی اوغلو و ۱۹۹۴-جو ایل تولدلو شهرام محمودی غفور اوغلو اولدوقلاری معین ائدیلیب.
فاکتلا باغلی عملیات-ایستینتاق تدبیرلری دوام ائتدیریلیر.
تاریخ
2024.02.27 / 15:08
|
مولف
Axar.az
|