آذربایجان اؤزو تاریخی عدالتی و حقوقلارینی تامین ائد‌رک ۴۴ گونلوک محاربه‌ده ارمنیستانین طرفیندن اشغال آلتیندا ساخلانیلان تورپاقلارینی گئری قایتاردی و ارمنیلرین «بؤیوک ارمنیستان» یاراتماق ایدئیاسی صابون کؤپویو کیمی چؤکدو.

Axar.az خبر وئریر کی، بو سؤزلری تاریخ‌چی-عالم، سوخومی دولت اونیورسیتتینین پروفسورو قورام مارخولیا سؤیله‌ییب.

«بؤیوک هایلارین اؤولادلاری» طالع‌یین حکمونه بویون ایه‌رک آذربایجان ایله صلح مقاوله‌سی باغلاماغا حاضر ایدیلر و بوندان سونرا صلح یولو ایله یئنی دولت قوروجولوغونا باشلایاجاقدیلار. لاکن جنوبی قافقازدا گئوسییاسی ماراقلاری اولان فرانسا ایروانا یئنی امیدلر آشیلادی. مسئله بوراسیندادیر کی، تورکیه‌دن اینجیمیش دولتلر فرانسانین نظارتی آلتیندا بیر آرایا توپلاشدیلار. بونلار، ایلک نوبه‌ده، یونانیستان، کیپر و طبیعی کی، ارمنیستان اولدو. آیدیندیر کی، یونانلاری، ارمنیلری و فرانسیزلاری تورکلره قارشی تاریخی دشمنچی‌لیک، گئوسییاسی اویونلار بیرلشدیریر"، - پروفسور بیلدیریب.

اونون سؤزلرینه گؤره، اونلار هیندیستانی بو ویرتوال بیرلییه قوشماقلارینا سؤز وئریرلر. بورادا باشلیجا مقصد پاکیستانا تأثیر ائتمکدیر کی، بو دا هله‌لیک ممکون دئییل. تورکیه‌نی و آذربایجانی هم بین‌الخالق، هم ده ایکی‌طرفلی مناسبتلرده فعال شکلده دستکله‌یه‌ن پاکستاندیر. اونا گؤره ده اونلار تارازلیق اولسون دئیه هیندیستانی اؤزلرینه قوشماق ایستییرلر.