ایرانین اطراف محیطین محافظه‌سی تشکیلاتی و باشقا علاقه‌دار قوروملارین اورمییا گؤلونون جانلانماسی ایله باغلی ادعالارینا باخمایاراق، گؤل اطرافین‌دا اکولوژی پروبلملر داوام ائدیر.

Axar.az خبر وئریر کی، بو باره‌ده یئرلی سوسیال مئدیا فعاللارینین پایلاشیملاریندا بیلدیریلیب.

مارتین ۲۷-ده چکیلن ویدئولاردا گؤلون قوروموش یاتاغین‌دان سوورولان دوزلارین اطراف بؤلگه‌لرده دوز فیرتینالارینین یارانماسینا سبب اولدوغو گؤرونور.

یئرلی اینترنت استفاده‌چیلری پایلاشدیقلاری ویدئولار و یازدیقلاری شرحلرده اطراف محیطین محافظه‌سی تشکیلاتینین رهبری علی سلاجقه‌نی یالان معلومات یایماق‌دا گناهلاندیریبلار.

سون ایستاتیستیکایا گؤره، موسومی یاغینتیلاردان سونرا اورمییا گؤلونون ۱۲۰۰ کوادرات کیلومترلیک حیصه‌سین‌ده ۱ میلیارد ۵۰۰ مین کوبمتره یاخین سو توپلانیب.

قید ائدک کی، گؤلون اورتا اکولوژی ساحه‌سی ۴۶۳۵ کوادرات کیلومتر، مینیموم اکولوژی سو حجمی ۱۵ میلیارد کوبمتر، ماکسیموم سو حجمی ایسه ۳۰ میلیارد کوبمتر اولمالیدیر.