غربی آذربایجان ایالتی‌نین اورمییا شهرینین انقیلاب محکمه‌سی آذربایجانلی معلم، اجتماعی فعال کریم بوستانچی باره‌ده یئنی‌دن قرار چیخاریب.

Axar.az خبر وئریر کی، بو باره‌ده ایران معلملر بیرلیگی معلومات یاییب.

قرارا گؤره، کریم بوستانچی ۳ آی حبس، ۱۵ میلیون تومن جریمه، همچینین الکترون آوادانلیقلارینین دولتین خیرینه مصادره‌سی جزاسینا محکوم ائدیلیب.

بونونلا یاناشی، اونون معلم کیمی فعالیت گؤسترمه‌سینه قاداغا قویولاراق، مجبوری ماذونیته بوراخیلیب.

قید ائدک کی، ۵۰ یاشلی آذربایجانلی معلم بوندان اول تحصیل ناظیرلیینین سیاستلرینی تنقید ائتدیینه، معلملره قارشی رئپرسسییالاری پیسله‌دیینه گؤره تعقیب اولونوب.

انقیلاب محکمه‌سی کریم بوستانچینی "وظیفه‌لی شخصلری تحقیر ائتمک"، "تحصیل سیستمینی و حجاب قایدالارینی تنقید ائتمک"، «قانون‌سوز اولاراق معلملر همکارلار اتفاقی تشکیلاتلارینین فعاللارینا دستک وئرمک»ده گناهلاندیریب.