ارمنستان باش ناظری نیکول پاشینیانین بو یاخینلاردا آوروپایا سفری باش وئرمک‌ده اولان پروسئسلرله (سرحدین دئلیمیتاسییا و دئمارکاسییاسی – رئد.) باغلی‌دیر و گؤرونور او، بوتون بونلار حاقیندا آوروپالیلارلا دانیشیقلار آپاریب.

Axar.az «آزاد ایران»ا استینادلا خبر وئریر کی، بو سؤزلری ایرانین آذربایجان‌داکی کئچمیش سفیری افشار سلیمانی ایلنا-دا درج ائدیلن مقاله‌سینده یازیب.

«نیکول پاشینیان دفعه‌لرله سؤزوگئدن دؤرد کندین آذربایجانا قایتاریلمالی اولدوغونو بیلدیریب. بو آرادا قاراباغ‌دا سپاراتچی‌لیقلا مشغول اولموش بعضی قوه‌لر بونا اعتراض ائدیبلر، منجه، اونلارین آرخاسیندا روسلار دایانیر. بئله کی، گرجستان‌دا حربی حرکتله‌نمه‌لر باش وئردی، هابئله روسیا صلحمرام‌لیلارینین قاراباغ‌دان چیخاریلماسی دا بئله پلانلاردان بیری ایدی.

ارمنستان ایندی داها چوخ غربله کووردیناسییایا دوغرو ایر‌لیله‌ییب، عینی واختدا روسییا دا داخیلدن و خاریجدن نیکول پاشینیانا تضییق گؤسترمک ایسته‌ییر. اونا گؤره ده ارمنستان‌دا وضعیت باشقا استیقامت‌ده ایرلیله‌ییر. آذربایجان-ارمنستان سرحدینده مینالاردان تمیزله‌مه عملیاتلاری و سرحدلرین اشاره‌له‌نمه‌سینه باشلانیلیب. دوشونوره‌م کی، نیکول پاشینیان جسارتلی آددیم آتیب.

پاشینیانین آوروپادا دانیشیقلاری دا اولوب. حتی آذربایجان پرزیدنتی طرفیندن ده خبردارلیقلار آلیب. حساب ائدیره‌م کی، بو استیقامت‌ده نوبتی آددیم ارمنستان کونستیتوسییاسینین دییشدیریلمه‌سی اولا بیلر»، - او بیلدیریب.

ا.سلیمانینین فیکرینجه، ارمنستانلا آذربایجان آراسیندا صلح سازیشینین امضالانماسی تاریخینی دقیق تخمین ائتمک اولماز:

«آنجاق ایکی طرف آراسیندا صلحون الده اولونماسینا یاخینلاشمانی گؤستره بیله‌جک مهم پروسئسلر گئدیر».