تهران‌دا سفرده اولان فلسطین اسلامی جهاد حرکاتینین باش کاتیبی زیاد ال-نخاله ایران رهبری علی خامئه‌ای، پرزیدنت ابراهیم رئیسی و پارلامنتین صدری محمد باقیر قالیبافلا گؤروشوب.

Axar.az خبر وئریر کی، بو باره‌ده ایران مئدیاسی معلومات یاییب.

گؤروش زامانی علی خامئه‌ای غززا خالقینین سون غلبه‌سینین شاهیدی اولدوقلارینی دئییب.

او، بو محاربه‌ده اسرائیلین اوغورسوز اولدوغونو ادعا ائد‌رک، بونون ایلاهی حادثه اولدوغونو سؤیله‌ییب.

زیاد ال-نخاله ایران رهبری و باشقا رسمیلرله گؤروشونده ایرانین دسته‌یینی مثیل‌سیز آدلاندیریب و بونا گؤره ایران رهبرلیینه تشکور ائدیب:

«یاخین گله‌جک‌ده اسرائیل ایله دانیشیقلاردا راضیلیغا گلمک احتیمالی یوخدور. ایرانین، حیزبوللاهین و یمن‌ده‌کی قارداشلاریمیزین امکداشلیغی ایله بیز بو پروبلئملری حل ائدجه‌ییک»،- اسلامی جهاد حرکاتینین باش کاتیبی بیلدیریب.

قید ائدک کی، حماس و فلسطین اسلامی جهاد حرکاتی لیدرلرینین تهرانا سفری تهلکه‌سیزلیک شوراسینین غززادا آتش‌کسله باغلی قطعنامه قبول ائتمه‌سین‌دن بیر گون سونرا باش توتوب. تهران حاکمیتینین آتش‌کسله باغلی قطعنامه‌نین علیهینه اولدوغو، حماس و اسلامی جهاد حرکاتی رهبرلرینین آتش‌کسین باش توتماماسی ایله باغلی یئنی تعلیماتلار آلماق اوچون تهرانا سفر ائتدیی احتمال اولونور.