ایراندا بهائی‌لرین سیستماتیک شکلده سیخیشدیریلماسی انسانلیغا قارشی جنایتدیر.

Axar.az خبر وئریر کی، بونو "انسان حقوقلاری مشاهده‌چی‌سی‎" ایراندا دینی آزلیقلارا قارشی تضییقلرله باغلی یایدیغی سون حساباتیندا بیلدیریب.

بیانات «انسان حقوقلاری مشاهده‌چی‌سی‎»این، ائلجه ده ایرانین انسان حاقلاری تشکیلاتلارینین تهران حاکمیتینین بهائیلره قارشی انسان حاقلارینی پوزماسی ایله باغلی سندلرینه اساسلانیر.

«اون ایللردیر اسلام رسپوبلیکاسینین حاکمیت ارگانلاری طرفیندن حیاتا کئچیریله‌ن سیستماتیک رپرسیالارین عمومی نتیجه‌سی مقصدلی شکلده بهائیلرین اساس حقوقلاریندان محروم ائدیلمه‌سیدیر و بو، انسانلیغا قارشی جنایت سویه‌سینه چاتیب»،- حساباتدا بیلدیریلیب.

قید ائدک کی، ایراندا ۳۰۰ میندن چوخ بهائی یاشاسا دا، ایران کونستیتوسییاسی بهائی دینینی رسمی اولاراق تانیمیر. ایران مدنی انقلاب عالی شوراسینین قرارینا اساساً، بهائی طریقتینه منصوب اولانلار اؤلکه‌ده وطنداشلیق حقوقو اولمایان انسانلار ساییلیرلار.