ایران‌لی ایدمان‌چی یاریش‌دا «رینگ قیرل»ا تپیک آتدیغی اوچون جزالاندیریلیب.

Axar.az خبر وئریر کی، بونونلا باغلی تلگرام کاناللاری ویدئو پایلاشیب.

روسییانین پایتختی مسکوادا قاریشیق دؤیوش صنعتی اوزره کئچیریله‌ن «هاردکور» تورنیرینده ایران‌لی دؤیوشچو علی هیبتی اویونون نوبتی راوندونو اعلان ائد‌ن قیزا تپیک آتیب. اونون رقیبی ایسه بونا رئاکسییا وئرمه‌ییب و علی ایله یاریشینی داوام ائتدیریب.

معلوماتا گؤره، علی هیبتی بو حرکتینه گؤره عمورلوک دیسکوالیفیکاسییا ائدیلیب.

بونونلا یاناشی، علاوه جزا اولاراق ایران‌لی ایدمانچی و اونون رقیبینین بوتون قونورارلاری (اویوندان آلاجاغی مبلغ) تحقیر ائدیله‌ن قیزا وئریله‌جک.

قید ائدک کی، ایرانین چهارمحال و بختیاری ایالتیندن اولان علی هیبتی بوندان اؤنجه ۲۰۲۲ و ۲۰۲۳-جو ایللرده ده اوخشار حرکتلر ائدیب.