مایین ۴-ده خاریج‌ده مهاجرت‌ده یاشایان گونئی آذربایجان‌لی ضیالی، ژورنالیست، یازیچی، سیاسی فعال و اینسان حاقلاری مدافعه‌چیلرینین اشتراکی ایله "آذربایجان و استابیل دموکراتییانین فورمالاشماسی پروسسی" آدلی اونلاین کنفرانس کئچیریله‌جک.

بو باره‌ده Axar.az-آ کنفرانس تشکیلاتچیلاری معلومات وئریب.

کنفرانس‌دا تانینمیش شخصلر، او جمله‌دن اصلن همدان‌دان اولان ۲۰۰۳-جو ایلین نوبل صلح مکافاتی لاورئاتی، حقوق مدافعه‌چی‌سی شیرین عبادی چیخیش ائد‌جک.

همچینین، فرانسادا یاشایان تدقیقات‌چی ضیا صدرالاشرافی، ایسوچ‌ده اولان ژورنالیست و یازیچی علیرضا اردبیلی، سیاسی فعال یونیس شاملی، محمدحسین یحیایی، فرانسادا یاشایان حقوق مدافعه‌چی‌سی ژاله تبریزی، آلمانییادان سیاستچی حسن شریعتمداری و باشقالاری قید اولونان موضوع ایله باغلی فکرلرینی بؤلوشه‌جکلر.

قید ائدک کی، بو، مختلیف سیاسی دوشونجه‌لره و جریانلارا باغلی اولان گونئی آذربایجان اصیل‌لی نفوذلو شخصلرین بو قبیل‌دن اولان ایلک کنفرانسی‌دیر.

سیاسی، علمی، مدنی و ملی چئوره‌لرده نفوذ صاحبی اولان ضیالی و سیاستچیلرین گونئی آذربایجان مسئله‌سی اطرافیندا بیرگه مذاکیره آپارماق اوچون بیر آرایا گله بیلمه‌لری نادر و اهمیت‌لی حادثه حساب اولونور.