خیاو (مشکین) شهرین‌ده یاشایان ژورنالیست-یازیچی ابراهیم رشیدی (ساوالان) محکمه‌یه چاغیریلیب.

Axar.az خبر وئریر کی، بو باره‌ده ژورنالیستین یاخینلاری معلومات یاییب.

محکمه‌نین الکترون چاغیریش مکتوبوندا ژورنالیست‌دن ۵ ایش گونو عرضینده محکمه‌یه گئتمه‌سی ایسته‌نیلیب.

او، بوندان اول "حکومته قارشی تبلیغات" و "اجتماعی تشویش یاراتماق مقصدیله یالان معلوماتلار یایماق"دا گوناهلاندیریلیب.

قید ائدک کی، تهلوکه‌سیزلیک مأمورلاری ابراهیم رشیدینی (ساوالان) ۲۰۲۳-جو ایلین دکابر آیینین ۳۰-دا حبس ائدیبلر.

رشیدی یانوارین ۱۵-دا اردبیل شهرینین مرکزی حبسخاناسینا، یانوارین ۲۷-ده ایسه خیاو حبسخاناسینا کؤچورولوب.

او، جاری ایلین فئورال آیینین ۲۲-ده ۲۰۰ میلیون تومن گیروو قارشیلیغیندا موقتی اولاراق محکمه‌یه قدر سربست بوراخیلیب.