بو گون گون اورتادان سونرا پرزیدنت‌لییه نامزد مسعود پزشکیانین تبریزه سفر ائدجیی پلانلاشدیریلیب و حاضردا مینلرله تبریزلی اونو قارشیلاماق اوچون تبریز هاوا لیمانی و اورا آپاران یوللارا توپلاشیر.

Axar.az خبر وئریر کی، بو باره‌ده یئرلی مئدیا و منبع‌لر معلومات یاییب.

بیلدیریلیب کی، پلیس، سپاه و تهلوکه‌سیزلیک قوه‌لری فوق‌العاده ایش رژیمینه کئچیب، شهرده تهلوکه‌سیزلیک تدبیرلری گوجلندیریلیب.

پزشکیانین تبریزلیلرله یاناشی سپاه و پلیس قوه‌لری آراسیندا دا نفوذونو نظره آلان حاکمیتین، گئنیش نماییشه چئوریلمه‌سی احتمال اولونان ازدحامین قارشی‌سینی آلماق اوچون باشقا بؤلگه‌لردن غیری-تورک قوه‌لری تبریزه گتیردیی بیلدیریلیب.

یئرلی سوسیال مئدیا فعاللاری حاضردا هاوا لیمانینا آپاران یول و بؤلگه‌لرده تهران رژیمینه باغلی افغانیستان‌لیلاردان عبارت "فاطمیون"، پاکستان‌لیلاردان عبارت "زینبیون" گروپلاشمالاری عضولرینین دسته‌لر حالیندا مشاهده اولوندوقلارینی یازیبلار.

تبریزین مدنیت خادملری و نفوذلو شخصیتلری وضعیتین گرگینلشدیریلمه‌مه‌سی ایله باغلی اهالییه مراجعت ائدیب، اونلاری دینج دستک میتینقی کئچیرمه‌یه چاغیریبلار.