ایولون ۱۲-ده ایران-ارمنیستان سرحدینده یوک آوتوموبیلینین اصلن آذربایجانلی اولان سوروجوسو، ایران وطنداشی امید قولوزاده ارمنیستان سرحدچیلری طرفیندن قتله یئتیریلیب.

Axar.az خبر وئریر کی، بو باره‌ده معلومات تلگرام کاناللاریندا یاییلیب.

اینسیدنت میللی زمینده باش وئریب.

بئله کی، ایران-ارمنیستان سرحدینین "نوردوز" سرحد-کئچید منطقه‌سینده ارمنیستان سرحدچیلری منطقه‌دن یالنیز ارمنی اصیللی سوروجولرین کئچیدینه اجازه وئریب. بو ایسه اراضیده نؤوبه گؤزله‌ین آذربایجانلی سوروجولرین ناراضیلیغی ایله نتیجله‌نیب.

مباحیثه ال‌به‌یاخا داوایا چئوریلیب کی، بو زامان ارمنی سرحدچیلر امید قولوزاده‌یه آغیر بدن خسارتلری یئتیریبلر.

حادثه یئرینه تعجیلی یاردیم چاغیریلسا دا، حکیملر اراضییه بیر نئچه ساعتدان سونرا گلیبلر. بو سببدن آذربایجانلی سوروجو دونیاسینی دییشیب.

هله‌لیک باش وئرهن حادثه باره‌ده رسمی آچیقلاما وئریلمه‌ییب.

باش وئرن اینسیدنت ایسه بیر داها گؤستریر کی، آذربایجان زنگزور دهلیزی مسئله‌سینده ارمنیستان طرفینه گووه‌نمه‌مکده نه قدر حاقلی‌دیر. ارمنیستان طرفی سون حادثه ایله نه قدر اعتبارسیز طرف اولدوغونو بیر داها اورتایا قویدو. ایران وطنداشی اولان سوروجو محض میللی منصوبیتینه - آذربایجانلی اولدوغونا گؤره ارمنیستان سرحدچیلری طرفیندن قتله یئتیریلیب.

سون حادثه بیر حقیقتی گون اوزونه چیخاریر کی، زنگزور دهلیزینده آیریجا اوچونجو طرفین تامین ائتدیی تهلوکه‌سیزلیک قایدالاری و مکانیزمی تطبیق اولونمالی‌دیر.

بو مکانیزمین تطبیقی زامانی تهلوکسیزلیین تامین ائدیلمه‌سی ایله مشغول اولاجاق طرف هر ایکی اؤلکه‌نین آنالوژی اینسیدنتلرین تکرارلانماماسی اوچون گؤرمه‌لی اولدوغو تدبیرلری معیینلشدیریب، اونلارین ایجراسینی، سرحدده وضعیتین تام و هرطرفلی مونیتورینگینی تامین ائتمه‌لی‌دیر.

عکس حالدا اوزون مدتلی مناقیشه‌ده مغلوب اولان ارمنیستان طرفینین اؤزونون روانشیزم ایدیالارینی ایسته‌نیلن دولت اوچون ان حساس مسئله ساییلان سرحد تهلوکسیزلیینین پوزولماسی کونتکستین‌ده تطبیق ائدجه‌یی استثنا دئییل.

سرحد ایسته‌نیلن اؤلکه‌نین اساس تهلوکه‌سیزلیک قاپیسی، همین اؤلکه‌ده ثابیتلیین بیر نمره‌لی ائلمنتی‌دیر. بو ائلمنته وئریله‌جک ایسته‌نیلن سوییه‌ده ضرردن هم اؤلکه‌نین اؤزو، هم ده قونشو دولتلر ضرر چکه‌جک. محض بو سببدن رئگیونون ثابتلییی زنگزور دهلیزی بویونجا تهلوکسیزلیین تأمیناتینین اوچونجو طرفه حواله ائدیلمه‌سی آکتواللیق قازانیر.

ارمنیستان طرفینین بو عاملین رئاللاشماسینا مانع اولماق اوچون سلسله آددیملار آتاجاغی استثنا دئییل. بو آددیملارین قارشیسی ایله توتارلی آرگومنت اولان رئگیونال تهلوکه‌سیزلیک مسئله‌سینین اؤن پلانا چکیلمه‌سی ایله آلینمالیدیر.

بئله اولارسا، رسمی ایروانین گله‌جکده تؤرتمک نیتینده اولاجاغی ایسته‌نیلن تهدیدلرین اؤنونه کئچیله‌جک، هر جور بدخواه نیت نئجه دئیرلر، ائله بئشیک‌ده‌جه بوغولاجاق.
***
ایران وطنداشینین اسلام رسپوبلیکاسی-ارمنیستان سرحدینده دؤیولمه‌سی فاکت اوزره ارمنیستان استینطاق کومیته‌سی جینایت ایشی باشلادیب.

بو باره‌ده استینطاق کومیته‌سینین مطبوعات کاتیبی قور آبرامیان بیلدیریب.

اونون سؤزلرینه گؤره، ایران وطنداشی ضررچکمیش شخص کیمی تانینیب و دیندیریلیب. او، شیکایتینین اولمادیغینی بیلدیریب.

قید ائدک کی، خسته‌خانایا یئرلش‌دیریلن آزربایجانلینین اؤلمه‌دیی وورغولانیر.