سون استاتیستیکایا گؤره، غربی آذربایجان ایالتی‌نین شاگیردلرینین ۹،۸۲%-نین تحصیلی یاریمچیق قالیبب و سیستان و بلوچیستان‌دان سونرا غربی آذربایجان بو بو ساحه‌ده اؤلکه اوزره ایکینجی یئری توتوب.

Axar.az خبر وئریر کی، بو باره‌ده غربی آذربایجان والیلیی‌نین (استاندارلیق) سوسیال و مدنی مسئله‌لر اداره‌سی‌نین باش دیرکتورو افشار کبیری بیلدیریب.

او، ۲۰۱۶-جی ایلده‌ن اوزو بو یانا اؤلکه‌ده تحصیلی ترک ائد‌ن شاگیردلرین سایینین کسکین آرتدیغینی، بونون غربی آذربایجان‌دا داها چوخ حیس اولوندوغونو دئییب.

کبیری‌نین سؤزلرینه گؤره، ۲۰۱۶-جی ایلده تحصیلی یاریمچیق قالان شاگیردلرین سایی ۷۷۶،۰۰۰ ایدیسه، بو رقم حاضردا ۱،۶۶۲،۰۰۰-ا چاتیب.

قید ائدک کی، غربی آذربایجان‌دا تحصیل ساحه‌سینه کیفایت قدر وسایت آیریلمیر، اؤلکه اوزره شاگیرد باشینا دوشن تحصیل ساحه‌سینین اورتالاما ۵.۷% اولدوغو حال‌دا غربی آذربایجانین بیر سیرا بؤلگه‌لرین‌ده بو ۱.۷% تشکیل ائدیر.

بونونلا یاناشی آذربایجانلی شاگیردلرین تحصیلینین یاریمچیق قالماسینین اساس عامللریندن بیری ده، یوخسوللوق و معیشت پروبلئملرینی حل ائتمک اوچون اوشاق و یئنی‌یئتمه‌لرین مجبوری ایشه جلب ائدیلمه‌لری‌دیر.