ایرانین پایتختی تهران‌دا آذربایجانین سفیرلیینه هجوم ائد‌ن ترورچو ایله باغلی چیخاریلان حکمون اجراسی آرتیق بیر ایله یاخیندیر کی اوزانیر.

خاطرلاداق کی، همین ترورچو حبس اولونوب و اونون باره‌سینده محکمه ۲۰۲۳-جو ایل اوکتیابرین ۲-ده اؤلوم حکمو چیخاریب. لاکین بو قرارین اوستوندن بیر ایله یاخین واخت کئچسه ده، اعدامین نه واخت اجرا ائدیلجه‌یی معلوم دئییل. آذربایجان جمعیتینین دایم دقت مرکزینده اولان بو حادثه‌نی مئدیا دا دقتله ایزلییر.

Axar.az خبر وئریر کی، اعداملا باغلی قرار تئز بیر زمان‌دا اجرا اولونماسا، آذربایجان ایران‌داکی سفیرینی نوبتی دفعه گئری چاغیرا بیلر.

بس ندن بو قرارین ایجراسی گئجیکیر؟ آپاردیغیمیز آراشدیرما اورتایا بیر سیرا احتماللارین چیخماسینا سبب اولوب. مثلاً، ترورو تؤره‌دن ایران وطنداشی یاسین حسینزادنین حیات یولونا نظر سالساق، اورتایا بیر سیرا ماراق‌لی مقاملار چیخیر. ۵۵ یاش‌لی یاسین حسین‌زاده ایران-عراق محاربه‌سی زمانی سپاه سیرالارینا قاتیلیب. او، قیسا مدت عرضینده محاربه‌ده ۳۱-جی عاشورا دیویزییاسیندا دا اشتراک ائدیب. ۱۹۹۹-جو ایله قدر تبریزده سپاه قرارگاهین‌دا یوک ماشین سوروجوسو ایشله‌ییب و اورادان تقاعده یوللانیب. یاسین ۱۹۹۹-۲۰۰۶-جی ایللرده مرندده‌کی یالدور مسجیدینه باغلی «بسیج» قوه‌لرینین کوماندانی اولوب. او، ایندی ده همین «بسیج» بازاسی ایله علاقه‌سینی داوام ائتدیریر. حتی اونون تبریزده «بسیج» و سپاه قوه‌لری ایله بیرلیک‌ده سون آیلار بوکان و ماراغادا باش وئره‌ن آنتی-حکومت اعتراضلارینین داغیدیلماسیندا اشتراک ائتدیی باره‌ده معلوماتلار وار.

بیر گناهسیز اینسانین قتلی، ایکی نفرین یارالانماسینی حیاتا کئچیره‌ن بو ترورچونون اعدام اولونماسینین قارشی‌سینی چوخ گمان کی، اونون سپاه عضوو اولماسی آلیر. محض بو قوروم اونون اعدامینین اجراسینا انگل اولور. حالبوکی، بو مدهیش جینایت عملی باره‌ده دانیشان خاریجی ایشلر ناظری جئیهون بایراموو بو ایلین یانوارین‌دا بیر داها رسمی باکینین موقعینی خاطرلادیب و بیان ائدیب کی، سفیرلیک اؤز فعالیتینی ایکی شرطله برپا ائده بیلر: جینایتکار لاییق‌لی جزاسینی آلسین و ایران سفیرلیک امکداشلارینین تهلوکسیزلیینه تام ضمانت وئرسین.

قید ائدک کی، ۲۰۲۳-جو ایل یانوارین ۲۷-ده «کالاشنیکوو» سلاحی ایله سیلاحلانمیش شخص آذربایجان سفیرلیینه هجوم ائدیب، نتیجه‌ده محافظه خیدمتینین رئیسی قتله یئتیریلیب، ایکی نفر ایسه یارالانیب. و تعجب دوغوران حال حادثه یئرینه پلیس امکداشلارینین ان سوندا گلمه‌سی اولوب.