ایکینجی قاراباغ ساواشینین آذربایجانین تام و قطعی غلبه‌سی ایله باشا چاتماسیندان کئچن ۳ ایل عرضینده ارمنستان ۱۰ نیابر اوچطرف‌لی بیاناتینین مدعالارینا اساساً اوزرینه گؤتوردویو عهده‌لیکلره عمل ائتمکدن یایینیردی. خصوصیله آذربایجانین قاراباغ بؤلگه‌سینده ارمنستان سلاحلی بیرلشمه‌لرینین موجودلوغو رگیونال صلح و ثابت‌لیک اوچون جدی تهلوکه منبیی اولاراق قالیردی.

Axar.az خبر وئریر کی، بو سؤزلری ۶-جی چاغیریش ملی مجلی‌سین ملت وکیلی کمال الدین غفاروو دئییب.

غفاروو خاطرلادیب کی، ۲۰۲۳-جو ایلین یای آیلاریندا همین سلاح‌لی بیرلشمه‌لر طرفین‌دن آذربایجان اوردوسونون مؤقعلرینین مختلف چاپلی سلاحلاردان سیستم‌لی شکیل‌ده آتشه توتولماسی، اراضیلریمیزین مینالانماسینین داوام ائتدیریلمه‌سی، دؤیوش مؤقعلرینده یئنی حربی-مهندس قورغولارینین یارادیلماسی ایله محکملندیریلمه‌سی، شخصی هئیت، زره‌‌لی تکنیکا، آرتیلرییا قورغولاری و دیگر آتش واسطه‌لری ایله گوجلندیریلمه‌سی گرگین‌لییی خیلی آرتیرمیشدی:

«بو بیرلشمه‌لرین تخریبات دسته‌لری آذربایجان اوردوسونون بؤلمه‌لرینه قارشی کشفیات فعالیتلرینی گئتدیکجه گئنیشلندیریر، مؤقعلریمیزین درینلیینه سیزاراق مینالاردان تمیزلنمیش اراضیلرین و ملکی تعینات‌لی یوللارین ترور-تخریبات مقصدیله یئنی‌دن مینالانماسینی حیاتا کئچیریر و بونونلا هم حربچیلریمیز، هم ده ملکی شخصلر آراسیندا ایتکیلره سبب اولوردولار. اؤلکه‌میز ۲۰۲۰-۲۰۲۳-جو ایللر عرضین‌ده ارمنستان سلاحلی قوه‌لرینین آذربایجانین قاراباغ بؤلگه‌سیندن چیخاریلماسینین ضروری‌لییی ایله باغلی دفعه‌لرله هم ارمنستان طرفینه، هم ده بین‌الخالق تشکیلاتلارا چوخسایلی مراجعتلر ائتسه ده، قارشی طرف نه‌اینکی بو عهدلیینه عمل ائتمیر، عکسینه اؤلکه‌میزه قارشی سلاحلی تخریباتلارینین اینتنسیولیینی بیر قدر ده آرتیریردی. بوتون بونلار البته کی، تمامیله یول وئریلمز بیر حال ایدی. آذربایجان دولتی ایسه بو کیمی حاللارین قارشی‌سینی آلماق اقتداریندا اولماقلا یاناشی، عینی زمان‌دا دا بونو حیاتا کئچیرمک کیمی لگیتیم حقوقا صاحب ایدی".

غفاروو علاوه ائدیب کی، آذربایجان اشغالا معروض قالان طرف اولسا دا قاراباغدا باش وئره‌ن گرگینلیین آرادان قالدیریلماسی، آذربایجان‌لیلارلا ارمنیلرین بیرگه یاشاییشینی تعمین ائد‌جک رئینتگراسییا پروسسینین نرمال داوام ائتمه‌سی و مسئله‌‎نین ایکی‌‍طرف‌لی دانیشیقلار یولو ایله حلینی تاپماسی اوچون ۳ ایل مدتینده الیندن گلنی ائتدی:

«لاکین اؤلکه‌میزین بوتون بو صلح چاغیریشلاری جواب‌سیز قالدی. ارمنیلر آذربایجانین هومانیست چاغیریشلارینی دیرلندیرمک عوضینه جانلی قوه‌لرینین سایینی آرتیرماقلا، یئنی سلاحلار آلیب، تخریباتلار تؤرتمکله مشغول ایدیلر. وضعیت او حده چاتمیشدی کی، قاراباغدا سپارات‌چیلار مستقل‌لیک ادعالاریندان ال چکمیر، اؤزلرینین اویونجاق «پرزیدنت»لرینی سئچیر، قوندارما «پارلامنت»لری آدیندان آذربایجان دولتینین علیهینه بیاناتلار وئریردیلر. ۲۰۲۳-جو ایل سنتیابرین ۱۹-دا ارمنی سلاحلی قوه‌لری یئنی‌دن بیر سیرا گئنیش میقیاسلی حربی تخریباتلار و ترور هجوملاری تؤرتدی. همین گون آذربایجانین قاراباغ بؤلگه‌سینده قانونسوز یئرلشدیریلمیش ارمنی سلاحلی قوه‌لرینین نوبتی ترور آکتی نتیجه‌سینده آغدام و شوشا شهرلرینده موافق اولاراق ایکی ملکی امکداش هلاک اولدو. غیری-قانونی ارمنی سلاحلی بیرلشمه‌لرینین دؤیوش مؤقعلرینی گوجلندیرمه‌سی و بؤلمه‌لرینی یوکسک دؤیوش حاضرلیغی سوییه‌سینه گتیرمه‌سی آذربایجان اوردوسونون بؤلمه‌لری طرفیندن تثبیت ائدیلدی. بوتون بو تخریباتلارین قارشی‌سینین آلینماسی، اوچطرف‌لی بیاناتین مدعالارینین اجراسینین تعمین اولونماسی، آذربایجان رسپوبلیکاسینین کونستیتوسییا قورولوشونون برپا ائدیلمه‌سی مقصدیله بؤلگه‌ده لوکال کاراکترلی آنتی‌ترور تدبیرلری باشلانیلدی. جمعی ۲۳ ساعت داوام ائد‌ن عملیات نتیجه‌سینده ارمنی سپارات‌چیلاری آغ بایراق قالدیرماغا مجبور اولدولار. سنتیابرین ۲۸-ده ایسه قاراباغین سپارات‌چی رژیمینین رهبری ساموئل شاهرامانیان قوندارما رژیمین لغوی ایله باغلی سند امضالادی. بئله‌لیکله، ۲۴ ساعتدان آز مدت‌ده حیاتا کئچیریلن آنتی‌ترور تدبیرلری نتیجه‌سینده آذربایجان اراضی‌سینده قانون‌سوز یئرلشن ارمنستان اوردوسو تام شکیلده ترک سلاح ائدیله‌رک، اؤلکه‌نی ترک ائتدی. قاراباغدا غیری-قانونی خونتا رژیمی لغو اولوندو، سپارات‌چیلارین اساس رهبرلری حبس ائدیلدی و آذربایجان اؤز دولت سوورنلیینی تام تعمین ائتدی. آذربایجانین کئچیردیی بیر گونلوک آنتی‌ترور عملیاتی خانکندی، خوجالی، آغدره، خوجاوند و عسگران‌دا اوچرنگلی بایراغیمیزین یوکسلدیلمه‌سی، اراضی بوتؤولویوموزون و سوورنلییمیزین تام برپاسی ایله یکونلاشدی».