گونئی آذربایجانلی اکولوق احمد بایبوردی آردیجیل اولاراق اوچونجو دفعه دنیا عالیملرینین ایلک ایکی فایزینین سیاهیسینا داخیل ائدیلیب.

Axar.az خبر وئریر کی، بو باره‌ده تبریزین "آذرانجمن" نشری معلومات یاییب.

احمد بایبوردی شرقی آذربایجان کند تصروفاتی و طبیعی ثروتلر اداره‌سی‌نین تدقیقات و تحصیل مرکزینین کئچمیش رهبریدیر.

او، آذربایجان ایالتلرینده اکولوژی پروبلئملری، خصوصیله اورمییا گؤلو ایله باغلی آراشدیرمالاری و چیخیشلاری ایله تانینیر.

احمد بایبوردی، شرقی آذربایجانین قاراداغ مئشه‌لرینین محو ائدیلمه‌سی، ارمنستانین آراز چایینی چیرکلندیرمه‌سی ساحه‌سینده‌کی فعالیتلرینه، حاکمیتی بونون قارشیسینی آلماماق‌دا اتهام ائتدیینه گؤره تضییقلرله اوزله‌شیب.

آذربایجانلی اکولوق بیر مدت اول باشچیلیق ائتدیی مرکزین رهبرلییندن اوزاقلاشدیریلیب، حاضردا هئچ بیر دولت اداره‌سینه ایشه گؤتورولمور.