تبریزین "تراکتور" فوتبول کلوبونون آزارکشلری اردبیل شهرینده خیرییه کامپانییاسی باشلادیبلار.

Axar.az خبر وئریر کی، بو باره‌ده مدنی فعاللار پایلاشیم ائدیبلر.

اردبیللی "تراکتور"چولار یئنی تحصیل ایلی عرفه‌سینده آزتعمیناتلی (یوخسول) عائله‌لرین مکتبه گئدن اوشاقلارینا مکتب لوازماتلاری، پالتار و ب. پایلاییبلار.

بیلدیریلیب کی، حکومت مأمورلاری خیرییه‌چی طرفدارلاردان بیر نئچه‌سینی ساخلاییب و اونلارا اوشاقلارا آذربایجان تورکجه‌سینده کتابلار پایلانیلماماسی باره‌ده خبردارلیق ائدیلدیکدن سونرا سربست بوراخیبلار.

قید ائدک کی، هر ایل یئنی تحصیل ایلینین باشلاماسی عرفه‌سینده مدنی فعاللار گونئی آذربایجان شهرلرینده اوشاقلارا آذربایجان تورکجه‌سین‌ده نشر اولونان کتابلار پایلاییرلار.

فعاللار بو واسطه ایله اوشاقلارین آنا دیللرینده یازلی متنلرله تانیش اولمالارینا چالیشیر، حاکمیتین غیری-فارس دیللره قارشی تطبیق ائتدیی تحصیل قاداغاسینا اعتراض ائدیرلر.