گونئی آذربایجانلی میللی فعاللار ودود اسدی و یاشار نیکرو مدنی فعالیتلرینه گؤره رشت شهرینین انقلاب محکمه‌سینین ۳-جو بؤلمه‌سی طرفیندن حبس جزاسینا محکوم ائدیلیبلر.

Axar.az خبر وئریر کی، بو باره‌ده انسان حاقلاری فعاللاری معلومات یاییب.

ودود اسدی "حکومت علیهینه تبلیغات"، "مخالف گروپلارا عضو اولماق" و "رهبری تحقیر ائتمک" اتهاملارینا گؤره ۵ ایل ۶ آی آزادلیقدان محروم ائدیلیب.

یاشار نیکرو ایسه "حکومت علیهینه تبلیغات"دا گوناهلاندیریلیب و باره‌سینده ۱ ایل حبس قراری چیخاریلیب.

قید ائدک کی، آدی چکیلن فعاللار فورالین ۶-دا حبس ائدیله‌رک تهرانین اوین حبسخاناسینا کؤچورولوب، مارتین ۹-دا ایسه گیروو قارشیلیغیندا موقتی اولاراق محکمه‌یه قدر سربست بوراخیلمیشدیلار.

ودود اسدی و یاشار نیکرو بوندان اول ده مدنی فعالیتلرینه گؤره، بیر نئچه دفعه ساخلانیلیبلار.