آنا صحیفه توپلوم |
هله ایللر اول من پکندن اورومچویا اوچاندا طیارهده سرنیشینلره تورک دیلینده خوش گلدین دئییلدیینین شاهدی اولدوم، نئجه اولور چینده تورک دیلینده دانیشماق اولار ایراندا یوخ؟
Axar.az خبر وئریر کی، بونو اورمییا شهرینین ایران پارلامنتیندهکی کئچمیش نمایندهسی نادر قاضیپور دئییب.
او، ایران ملکی آویاسییاسیندا سرنیشینلرین تورک دیلینده سلاملانماسینا قویولان قاداغانی تنقید ائدیب.
"بو کونستیتوسیادا دا عکس اولونوب و بونا قارشی چیخانلار هم کونستیتوسیا و هم ده اؤلکه رهبرینین تاپیشیریقلارینا قارشی چیخیرلار. گؤستریش وئریلمهلیدیر کی، شرقی آذربایجان، غربی آذربایجان، اردبیل و زنجان ایالتلرینه اوچان طیارهلرده قوناقلار آذربایجان تورکجهسینده قراشیلانسین"،- قاضیپور تکلیف ائدیب.
بیر گروپ یئرلی اهالی ایله گؤروشده چیخیش ائدن کئچمیش میللت وکیلی ایران-عراق محاربهسینده آذربایجانلیلارین خصوصی اشتیراک و رولونا دا دقت چکیب:
"نئجه اولور محاربه دؤورونده بوتون تئلسیزلرده (بیسیم)علاقه و حربی گؤستریشلر تورک دیلینده وئریلیردی، ایندی ساکت واختدا بو دیلده دانیشماغا قاداغا قویولور!".
قید ائدک کی، بیر نئچه گون اول «آتا» آویاشیرکتینین تهراندان تبریزه اوچان طیارهسینده بلدچی قوناقلاری تورک دیلینده سلاملاییب. بو، مئدیادا گئنیش رزونانس دوغوروب و فارس میللتچیلری بونو سپاراتچیلیغین تبلیغی کیمی قلمه وئریبلر.
بوندان سونرا ایران هاوا یوللاری شیرکتی تبریزه اوچان طیارهلرده قوناقلارین تورک دیلینده سلاملانماسینا قاداغا قویوب.
تاریخ
2024.10.18 / 17:43
|
مولف
Axar.az
|