آنا صحیفه توپلوم |
تهرانین ائوین حبسخاناسیندا ساخلانیلان آذربایجانلی سیاسی محبوس و ۲۰۲۳-جو ایلین نوبل صلح مکافاتینی آلان نرگس محمدییه داها ۶ آی حبس جزاسی وئریلیب.
Axar.az خبر وئریر کی، بو بارهده اونون یاخینلاری معلومات یاییب.
بیلدیریلیب کی، تهرانین جنایت محکمهسی محمدینی بیر مدت اول ایران حبسخانالاریندا اعدام جزالارینا اعتراض ائتدیینه گؤره "حکومت مأمورونا تابع اولماماق و قارشیدورما یاراتماق"دا گناهلاندیراراق یئنیدن جزالاندیریلیب.
خاطرلاداق کی، حقوق مدافعهچیسی و سیاسی محبوس آوگوستون ۶-دا اعتراض آکسیالاریندا حبس ائدیلن رضا رسایینین اعدام ائدیلمهسینه گؤره ائوین حبسخاناسیندا اعتراض آکسیاسی کئچیریب.
اونونلا همرایلیک گؤسترن باشقا ۴ قادین سیاسی محبوسلاردان اوچونه ۶ آی، بیرینه ایسه ۳ آی علاوه حبس جزاسی وئریلیب.
قید ائدک کی، گونئی آذربایجانین زنجان شهرینده آنادان اولان و ۲۰۲۳-جو ایل نوبل صلح مکافاتینی آلان نرگس محمدی بوندان اول مختلف اتهاملارا گؤره ۱۲ ایل ۳ آی حبس، ۱۵۴ شلاق جزاسینا محکوم ائدیلیب.
تاریخ
2024.10.21 / 14:16
|
مولف
Axar.az
|