مصرده ماراقلی بیر حادثه باش وئریب: ایت دونیانین یئددی معجزه‌سیندن بیری حساب ائدیلن قدیم خئوپس پیرامداسینین (یکی از اهرام ثلاثه مصر) زیروه‌سینه موستقیل شکیل‌ده دیرماشماغی باجاریب.

Kult.az خبر وئریر کی، ، آلپینیست (کوهنورد)-ایتله باغلی ویدئو سوسیال شبکه‌لرده سرعتله یاییلاراق استفاده‌چیلرین حیران‌لیغینا سبب اولوب.

کادرلاردا ایتین نه واختسا دنیانین ان هوندور تیکیلیسی حساب اولونان پیرامی‌دانین داش بلوکلارینا مهارتله دیرماشدیغی گؤرونور. جمعی بیر نئچه دقیقه عرضینده او، اهرامین ان یوکسک نقطه‌سینه چاتیر.

قید ائدک کی، تخمیناً میلاددان اول ۲۵۶۰-جی ایلده تیکیلمیش خئوپس پیرامیداسینین هوندورلویو ۱۴۷ متردیر. یوخارییا چاتدیقدان سونرا ایت یاخینلیق‌دان اوچان قوشلاری قوواراق اوجادان هورمه‌یه باشلاییب.

قید ائدک کی ، ایت بو زیروه‌نین فتحی ایله قایدالاری جدی شکیلده پوزوب: مصرده ۱۱۸ پیرامی‌دانین هر هانسی بیرینه قالخماق جدی شکیلده قاداغاندیر. توریستلر بو قدیم عابده‌لرین زیروه‌لرینی یالنیز پاراپلانلا قوش اوچوشو هوندورلویوندن سیر ائده بیلرلر.