آمریکا پرزیدنتی دونالد ترامپ بو یاخینلاردا تابعلیینده اولانلاردان ایرانا قارشی نووه سلاحیندان استفادنین ممکونلویو باره‌ده سوروشوب.

Axar.az خبر وئریر کی، بو ادعانی آمریکالی ژورنالیست سیمور هرش ایر‌لی سوروب.

هرشین سؤزلرینه گؤره، آمریکا لیدرینین نووه سلاحلاریندان بحث ائتدیی صحبت بو هفته باش توتوب و اورادا آمریکا آدمینیستراسییاسینین یوکسک وظیفه‌لی رسمیلری اشتراک ائدیب.

بئله کی، آمریکا لیدری ایرانا مخصوص یئرالتی راکت استحصالی موسسه‌لرینین بعضیلرینی محو ائتمک اوچون نووه سلاحیندان استفادنین ممکونلویو باره‌ده سوروشوب.

حتی ترامپ ایران حاکمیتینی واشینگتنون بئله بیر اسکالاسییا احتمالینی "سون درجه جدی" نظردن کئچیردیی باره‌ده خبردار ائتمک ایدئیاسینی ایر‌لی سوروب.

هرشین سؤزلرینه گؤره، آغ ائو رهبرینین بو یؤنده صحبتی آدمینیستراسییا عضولرینی شوکا سالیب و ترامپ نووه سلاحلاری ایله باغلی هر هانسی بیر اسکالاسییانی مذاکره ائتمکدن چکیندیریلیب.