اسرائیلین ایرانا هجوم ائتدیی گون اؤلکه‌نین جنوب-شرقینده‌کی سیستان و بلوچستان ایالتینین تفتان بؤلگه‌سینده باش وئرن هجوم نتیجه‌سینده ۱۰ ایرانلی سرحدچی هلاک اولوب. سیستان و بلوچستان ایرانین ان حساس بؤلگه‌لریندندیر. بو بؤلگه سلاح‌لی گروپلارین تئز-تئز ایران قوه‌لرینی هدف آلدیغی هجوملاری و آدام اوغورلوغو ایله مشهوردور. سون هجومالارا گؤره مسئولیتی «جیش العدل» («عدالت اردوسو») اؤز اوزرینه گؤتوروب. گروپلاشما بو ایل عرضینده ایران سلاح‌لی قوه‌لرینه بیر نئچه دفعه هجوم ائدیب. نتیجه‌ده اونلارلا ایران حربچی‌سی هلاک اولوب.

Axar.az خبر وئریر کی، بو سؤزلر «آتلاس» آراشدیرمالار مرکزینین آنالیزینده عکس اولونوب.

تحلیل‌ده بیلدیریلیب کی، بلوچلارین بیر قسمی تهرانین اونلارا قارشی مذهب آیری-سئچکیلییندن شکایتچیدیرلر:

«دیگر طرفدن بلوچستان ایرانین ان کاسیب ایالتیدیر. بو عامللر «جیش العدل» گروپلاشماسینا بلوچستان‌دا ترور هجوملاری تشکیل ائتمک اوچون اساس وئریر. سلاح‌لی بلوچلار ایرانا قونشو اولان پاکیستانا دا پروبلملر یارادیرلار.

ایران اسلام انقلابی کئشیک‌چیلری کورپوسو بو ایلین یانوار آییندا «جیش العدل» گروپلاشماسینین پاکیستان‌داکی مؤقعلرینه ضربه‌لر ائندیرمیشدی.

پاکیستان دا بونا جواب اولاراق ایران اراضی‌سینه ضربه‌لر ائندیردی. ایکی اؤلکه اؤز آرالاریندا مناسبتلری گرگینلشدیرمه‌مک اوچون بونونلا کفایتله‌ندیلر. هلیکوپتر قضاسین‌دا هلاک اولان ایرانین کئچمیش خارجی ایشلر ناظیری حسین امیر عبداللهیان «ایران پاکیستانین سووئرنلیینه و اراضی بوتؤولویونه حرمت ائدیر» آچیقلاماسینی سسلندیرمیی لازم بیلدی. مرحوم ناظیر پاکیستان اراضی‌سینه ضربه‌لری اوراداکی ایرانلی ترورچولارین هدف آلینماسی کیمی ایضاح ائتمیشدی.

بونا باخمایاراق، ترورچو گروپلاشمانین سرحدده‌کی حمله‌لری هر ایکی اؤلکه اوچون جدی پروبلملر یارادیر. ایران اسرائیلله گرگینلیک ایچریسینده اولارکه‌ن «جیش العدل» ترورچو تشکیلاتی ایله مبارزه‌نی ده گوجله‌ندیرمک مجبوریتینده‌دیر».