ارمنستان و ایران آراسین‌دا تریپپ لایحه‌سینین حیاتا کئچیریلمه‌سی ایله باغلی قارشیلیقلی آنلاشما الده اولونوب.

Axar.az خبر وئریر کی، بونو پارلامنتین حاکم «وطنداش مقاوله‌سی» فراکسیاسینین ملت وکیلی سارکیس خاندانیان بیلدیریب.

اونون سؤزلرینه گؤره، آمریکا و ایران آراسین‌دا موجود گرگینلیک لایحه‌نین حیاتا کئچیریلمه‌سینه مانع اولمایاجاق.

«ارمنستان و ایران آراسیندا تریپپ لایحه‌سی ایله باغلی قارشیلیقلی آنلاشما الده اولونوب و حساب ائتمیرم کی، ایران-آمریکا مناسبتلرینده‌کی گرگین‌لیک بو پروگرامین حیاتا کئچیریلمه‌سینه تأثیر گؤستره بیلر. دمیر یولو مسئله‌سی گونده‌مده‌دیر. حاضردا اونون یئرلشجیی اراضی و مقصده اویغونلوغو اؤیرنیلیر. یوخلامالار باشا چاتدیقدان سونرا تیکینتی ایشلرینه باشلاناجاق. من سیاسی مانعه گؤرموره‌م»، – خاندانیان قید ائدیب.

ملت وکیلی علاوه ائدیب کی، ایروان واشینگتن و تهران آراسین‌دا ممکن قدر تئز صلح الده اولوناجاغینا امید ائدیر.