ایتالیان هیکل‌تراش لورنزو قوینن ایقلیم دییشیکلیینه دقت چکمک اوچون دوزلتدیی و باکی‌دا حیدر علیئو مرکزینین قارشی‌سیندا قویولان «طبیعتین گوجو» هیکلی ایران‌دا سوسیال مئدیا پلاتفورمالاریندا مذاکیره موضوع‌لاریندان بیرینه چئوریلیب.

Axar.az خبر وئریر کی، مذاکیره‌لر اساساً رادیکال سیاسی جریانا باغلی سوسیال مئدیا پلاتفورمالاریندا آپاریلیب.

همین پلاتفورمالادا هیکلین حجاب‌سیز اولدوغو قاباردیلیب و بو بهانه ائدیله‌رک آذربایجانا قارشی اتهاملار سسلندیریلیب.

بو مسئله‌ده آذربایجان‌دا آختاریشدا اولدوقلاری اوچون ایرانا سیغینان، سپاه و تهلوکه‌سیزلیک قوروملارینین نظارتی آلتیندا ایرانین سیاسی-ایدئولوژی تبلیغاتی ایه مشغول اولان آذربیاجن‌لی رادیکاللارین داها چوخ جانفشانلیق ائتدیکلری دقت چکیر.

قید ائدک کی، بوندان اول ده باکی‌دا سووتلر بیرلییی دورونده اوجالدیلان "آزاد قادین" هیکلی ایران‌لی رادیکاللارین هدفینده اولوب، اونلار آذربایجان‌داکی ال‌آلتیلارینی قادین آزادلیغینی سیموولیزه ائد‌ن همین هیکلین گؤتورولمه‌سی اوچون اعتراضلار و تخریباتلارا چاغیریبلار.