ژورنالیست و اجتماعی فعال کیانوش سنجری حکومتین فعاللارا قارشی رپرسییالارینا اعتراض اولاراق انتحار ائدیب.

Axar.az خبر وئریر کی، بو باره‌ده اینسان حاقلاری تشکیلاتلاری معلومات یاییب.

"چرشنبه گونو آخشام ساعتلارینا کیمی فاطمه سپهری، نسرین شاکرمی، توماج صالحی و آرشام رضایی سربست بوراخیلماسالار، علی خامنه‌ای و متفیقلرینین دیکتاتوراسینا اعتراض علامتی اولاراق حیاتیما سون قویاجاغام"،- کیانوش سنجری انتحار ائتمه‌دن بیر نئچه ساعت اول اؤزونون سوسیال مئدیا حسابیندا ائتدیی پایلاشیمدا خبردارلیق ائدیب.

قید ائدک کی، سنجری بوندان اول ۲۰۰۰-جی ایلده، ۱۷ یاشین‌دا اعتراض آکسییاسین‌دا اشتراک ائتدیینه گؤره حبس ائدیلیب و بیر نئچه آی تک آدام‌لیق کامرادا ساخلانیلیب.

او، بوندان سونرا دا "حکومت علیهینه تبلیغات"، "ملی تهلوکه‌سیزلییه ضربه وورماق"، "طلبه حرکاتینا عضو اولماق" و باشقا اتهاملارلا ۹ دفعه حبس ائدیلیب.

کیانوش سنجری تضییقلره گؤره ۲۰۰۸-جی ایلین یاییندا اؤلکه‌نی ترک ائدیب و ۸ ایل آمریکادا یاشادیقدان سونرا ۲۰۱۶-جی ایلین اوکتیابریندا ایرانا گئری دؤنوب.

ژورنالیست ایرانا قاییتدیقدان سونرا دینج فعالیتلرینه گؤره بیر نئچه دفعه ساخلانیلیب.