تهرانین جنایت ایشلری اوزره ۱۳-جو محکمه کولگییاسینین مشاویرلرینین قراری ایله "اکباتان شهرجیی" ایشی کیمی تانینان جنایت ایشینده آدلاری چکیله‌ن ۶ محبوس باره‌ده اعدام حکمو چیخاریلیب.

Axar.az خبر وئریر کی، بو باره‌ده حقوق مدافعه‌چیسی و وکیل بابک پاکنییا معلومات یاییب.

بیلدیریلیب کی، میلاد آرمون، علیرضا برمرز برناک، امیر احمد خوش اقبال، علیرضا کفایی، نوید نجاران و حسن نعمتی آدلی شخصلر "هجوم و قصداً آدام اؤلدورمک"ده گناهلاندیریلیبلار.

آدی چکیلن گنجلر ۳ نویابر ۲۰۲۲-جی ایلده اعتراض آکسییالاری زمانی سپاه-آ باغلی یاریم کؤنوللو "بسیج" قوه‌لرینین عضوو آرمان علیوئردینی اؤلورمکده اتهام اولونورلار.

اعداما محکوم اولونانلاردان بیری میلاد آرمون اصلاً گونئی آذربایجانین خیاو (مشکین) شهرینین قوشا کندیندندیر.

او و باشقا متهیملر باره‌لرینده ایر‌لی سورولن اتهامی قبول ائتمه‌ییب، آدی چکیلن "بسیج" عضوونون اؤلدورولمه‌سینده اشتراک ائتمدیکلرینی بیلدیریبلر.

قید ائدک کی، اعدام قراریندان شکایت وئریله بیلدیی اوچون حکمون دییشدیریلمه احتمالی وار.