بیرلشمیش ملتلر تشکیلاتینین باش آسامبلئیاسینین اوچونجو کمیته‌سی ۷۷ لئهینه سسله، ایران‌دا اینسان حاقلارینین گئنیش شکیل‌ده پوزولماسینا قارشی قطعنامه‌نی تصدیقله‌ییب.

Axar.az خبر وئریر کی، قطعنامه‌ده دیگر مسئله‌لرله یاناشی، اؤلوم حکمونون اجراسینین آرتیریلماسینا قارشی خبردارلیق ائدیلیب و بیلدیریلیب کی، اعداملارین سایینی آرتیرماسی ایرانین بین‌الخالق عهده‌لیکلرینه ضیددیر.

نویابرین ۲۰-ده تصدیق‌لنن قطعنامه‌ده بیرلشمیش ملتلر تشکیلاتی ایران‌دا اؤلوم حکمونون تطبیقینین ناراحات ائدیجی سوییه‌ده آرتیمینی کسکین شکیل‌ده پیسله‌ییب و یازیب کی، بعضی اعداملار مجبوری اعترافلارا اساس‌لاناراق، عدالت‌لی محاکمه و لازیمی پروسس اولمادان حیاتا کئچیریلیر.

بیرلشمیش ملتلر تشکیلاتی همچینین آزلیقلارا، خصوصاً ده ائتنیک و دینی آزلیقلارا، او جمله‌دن بهایی طریقتینه منصوب شخصلره اؤلوم حکمونون تطبیقیندن جدی ناراحات‌لیغینی افاده ائدیب و قادینلارین اعدامینین داوام ائتدیریلمه‌سینی تنقید ائدیب.

ب.ام.ت-نین قطعنامه‌سینده وورغولانیب کی، اؤتن ایل ایران‌دا قادینلارین اعدام ائدیلمه‌سی حاللاری دا ان یوکسک حده چاتیب.