ایرانین کئچمیش شاهی محمدرضا پهلوینین اوغلو رضا پهلوی ۱۲ دکابر، "۲۱ آذر" جنوبی آذربایجان ملی حکومتینین ایل دؤنومو ایله باغلی پایلاشیم ائدیب.

Axar.az خبر وئریر کی، او بو باره‌ده اؤزونون سوسیال مئدیا حسابین‌دا یازیب.

"آذربایجانین قورتولوشونون ایل دؤنومونو ایران خالقینا، خصوصاً باشی اوجا آذربایجان خالقینا تبریک دئییرم. بو تاریخی گونده ایران اوردوسو آذربایجان خالقی ایله چیین-چیینه ایرانین اراضی بوتؤولویونون قورونماسی و استالینین فیتنه‌لرینین قارشی‌سینین آلینماسیندا بیرگه مباریزه آپاردیلار"،- پهلوی علاوه ائدیب.

قید ائدک کی، ۱۲ دکابر ۱۹۴۵-جی ایلده قورولان جنوبی آذربایجان ملی حکومتی، ۱۲ دکابر ۱۹۴۶-جی ایلده سقوطا اوغراییب.

پهلویلر و اونون حاضرکی داوامچیلاری ملی حکومتین سقوطو گونونو "آذربایجانین قورتولوش گونو" کیمی قید ائدیرلر.