ایران ملی نفت شرکتینین طلبینه باخمایاراق، شرکتین ۲،۶ میلیارد بورجو مقابیلینده شرکتین روتئردام‌داکی بیناسینین اماراتین کرئس‌سنت شرکتینه تحویل وئریلمه‌سینه راضی‌لیق وئریلدیینه گؤره، بینا رسمی اولاراق هئوول شرکتینه حواله ائدیلیب.

Axar.az خبر وئریر کی، معلوماتی ایران مئدیاسی دا تصدیق ائدیب.

بیلدیریلیب کی، هلاندیا محکمه‌سی ایران ملی نفت شرکتینین قرارین دییشدیریلمه‌سی ایله باغلی طلبلرینی رد ائدیب و بیرلشمیش عرب امیرلیکلرینین شرکتی خیرینه یکون قرار وئریب.

قید ائدک کی، ایران ملی نفت شرکتی ۲۰۰۲-جی ایلده باغلانان مقاویله‌یه اساساً بیرلشمیش عرب امیرلیکلرینین گاز یاتاغی ایله احتیاطلاری پایلاشان ایرانین سلمان گاز یاتاغیندان اعمال اولونمامیش گاز اماراتا اخراج ائدیلمه‌لی ایدی.

۲۰۰۵-جو ایلده ایران‌دا حکومت دییشیک‌لییی ایله عینی واختدا ایرانین حسابلاما محکمه‌سی مقاویله‌نی دایاندیریب. بیرلشمیش عرب امیرلییی ایسه مقاویله‌نین بیرطرف‌لی قایدادا لغوی ائدیلمه‌سینه گؤره بین‌الخالق اورگانلارا شکایت ائدیب.

اوزون سوره‌ن محکمه پروسسین‌دن سونرا ایسه ایران ملی نفت شرکتینین بیناسینین مصادیره ائدیلمه‌سی و ساتیلماسی باره‌ده قرار وئریلیب.