پرزیدنت تهران، کرج، اراک و اصفهان‌دا ایستیلیک الکتریک ایستانسییالارین‌دا دیزئل یاناجاغین‌دان ایستیفادنین قاداغان ائدیلمه‌سی ایله باغلی فرمان امضالاسا دا، تبریزله باغلی بونو ائتمه‌دی و بیز ده بو باره‌ده طلب ایر‌لی سورمدیک.

Axar.az خبر وئریر کی، بو سؤزلری شرقی آذربایجان ایالتینین والیسی بهرام سرمست ایران تلویزیاسینا مصاحیبه‌سین‌ده آپاریجینین "پرزیدنت یئرلی‌بازلیق ائدیر می؟" سوالینا جواب اولاراق دئییب.

"بیز ده، پرزیدنتی مسعود پزشکیان اؤزوموزدن-آذربایجان‌لی اولدوغونا و یئرلی‌بازلیق اولماسین دئیه بو باره‌ده اونا تضییق گؤسترمه‌ییب، مسئله‌نی اجتماعی‌لشدیرمدیک"،- والی علاوه ائدیب.

والینین بو آچیقلاماسی تبریزلیلرین ناراضی‌لیغی ایله قارشیلاشیب، اونلار "آذرانجمن" نشرینین یایدیغی مصاحبه‌یه چوخ سایدا شرحلر یازاراق، والی و پزشکیانی مرکزی حاکمیته یارینماق اوچون آذربایجان‌لیلارین حقوقلارینا گؤز یومماق‌دا اتهام ائدیبلر.

قید ائدک کی، بون‌دان اول تبریز شهر شوراسینین باشچی‌سی غلامرضا احمدی ده مسعود پزشکیانین قراریندان ناراضی‌لیغینی ایفاده ائدیب، بو قرارین تبریزللرین ناراضلیینا سبب اولدوغونو دئییب.

"تبریزلیلر ده پرزیدنت‌دن باشقا شهرلرله یاناشی تبریزین ده ایستی‌لیک الکتریک ایستانسییاسین‌دا دیزل یاناجاغینین قاداغا ایله باغلی عینی قراری وئرمه‌سینی گؤزلییردیلر"،- شهر شوراسینین باشچی‌سی وورغولاییب.