اسلام رسپوبلیکاسی لیویا (لیبی) کیمی نووه اوبیکتلریندن امتنا ائتمه‌یه راضی اولماسا، اسرائیل آمریکانین اونلاری دستکله‌ییب-دستکله‌مه‌مه‌سیندن آسیلی اولمایاراق بو اوبیکتلره هجوم ائتمه‌یه حاضردیر.

Axar.az خبر وئریر کی، بو باره‌ده «واشینگتن پوست» بیر نئچه آمریکالی و اسرائیل‌لی رسمییه استنادا یازیب.

نشرین معلوماتینا گؤره، جو بایدن آدمینیستراسییاسی سون گونلرینده اسرائیلین بو باره‌ده‌کی فکرینی آراشدیریب اونا قارشی چیخسا دا، ایندی اسرائیله بو موضوع‌دا دستک وئرمک قراری ترامپ آدمینیستراسییاسینین الین‌ده‌دیر.

قید ائدک کی، بیر نئچه گون اول اسرائیلین آمریکاداکی سفیری یحیل لایتری "فاکس نیوز"ا مصاحبه‌سین‌ده اوخشار فکرلر سسلندیریب.

اگر اسلام رسپوبلیکاسی ایله راضیلاشما «لیویا مقاویله‌سی"نه اوخشار مدل‌ده اولسا، بیز اورا گئدیب زنگینلشدیریلمیش اورانی توپلامالی، و نووه اینفراستروکتورونو محو ائتملیییک و بو بیزیم نایل اولماق ایستدییمیزدیر. بئله بیر راضیلاشما (لیویا مدلی) اولاجاغی تقدیرده، اسرائیل اسلام رسپوبلیکاسینین "نووه سلاحی الده ائتمه‌سینین قارشی‌سینی آلماق اوچون حربی یولا ال آتماق‌دا اسرار ائتمیر"،-.سفیر بیلدیریب.